Theresa May yn galw am gefnogaeth y pleidiau

 


Theresa May (Llun: Dominic Lipinski/PA Wire)
Mewn araith yn Nhŷ’r Cyffredin yfory mae disgwyl i Theresa May gydnabod ei cholled yn yr Etholiad Cyffredinol gan alw ar ei gwrthbleidiau i gynnig “syniadau a safbwyntiau.”

Fe fydd hi’n cyfeirio at y ffaith iddi golli ei mwyafrif yn yr Etholiad Cyffredinol gan olygu y bu’n rhaid iddi daro bargen â phlaid y DUP o Ogledd Iwerddon.

Ac fe fydd hefyd yn dweud ei bod am “ddadlau a thrafod” gyda’i gwrthwynebwyr o ran polisïau’r Deyrnas Unedig a Brexit.

‘Syniadau a safbwyntiau’

Daw hyn wrth i’r Mesur Diddymu gael ei gyhoeddi’r wythnos hon, ac mae ei haraith yn cael ei weld fel ymgais i geisio cefnogaeth Llafur i ddeddfu ar Brexit ymysg honiadau fod Aelodau Seneddol o’i phlaid ei hun yn bwriadu gwrthwynebu elfennau o’i strategaeth.

Mae disgwyl iddi alw ar y pleidiau i “ddod ymlaen gyda’u syniadau a’u safbwyntiau am sut y gallwn ni fynd i’r afael â’r heriau fel gwlad.”

“Efallai na fyddwn ni’n cytuno ar bopeth, ond drwy ddadl a thrafod …. gall syniadau gael eu hegluro a’u gwella gan ddod o hyd i well ffordd ymlaen,” meddai.

Beirniadaeth y gwrthbleidiau

Mae Ysgrifennydd Cymunedau’r wrthblaid, Andrew Gwynne, wedi cyhuddo Theresa May o “redeg allan o syniadau” ac am hynny – “mae’n rhaid iddyn nhw erfyn am gynigion polisi gan Lafur.”

Er hyn, mae llefarydd Brexit y Democratiaid Rhyddfrydol, Tom Brake, wedi cyhuddo Llafur o gefnogi “Brexit caled” eisoes, gan feirniadu Jeremy Corbyn o “beidio â chyfrannu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd