Gogledd Iwerddon – trafod yn parhau er mwyn ceisio adfer llywodraeth

 


Stormont
Mae gan weinidogion Gogledd Iwerddon tan ddydd Iau i ddod i gytundeb i ail-sefydlu’r eu Llywodraeth yn Stormont.

Yn ôl Llywydd Sinn Fein, Gerry Adams, mae angen sicrhau bod y pŵer yn cael ei rannu yn y llywodraeth i sicrhau bod eu harian ychwanegol yn cael ei “wario’n gywir er ein budd ni i gyd.”

Daw hyn wedi i arweinydd y DUP, Arlene Foster, gyhoeddi ddoe y byddai Gogledd Iwerddon yn derbyn £1 biliwn am ddod i gytundeb i gefnogi’r blaid Geidwadol yn y Llywodraeth yn San Steffan.

Ail-sefydlu’r Llywodraeth

Mae pryder wedi bod am lywodraeth Gogledd Iwerddon ers misoedd yn dilyn ffrae rhwng Sinn Fein a’r DUP am sut cafodd cynllun ynni gwyrdd ei reoli.

Mae Gogledd Iwerddon wedi bod heb Brif Weinidog a Dirprwy Brif Weinidog ers mis Ionawr pan ymddiswyddodd y diweddar Martin McGuinness dros y sgandal ynni adnewyddadwy.

Os na fyddan nhw’n llwyddo i ddod i gytundeb newydd erbyn dydd Iau i ailsefydlu’r llywodraeth, fe allai Gogledd Iwerddon wynebu gael eu rheoli’n uniongyrchol o San Steffan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd