RSS

Golwg360

MwyCau 

Agoriad swyddogol (ansicr) i senedd San Steffan

Mehefin 21, 2017 09:34


Fe fydd y Frenhines yn cyhoeddi rhaglen wleidyddol y Ceidwadwyr mewn araith heddiw, wrth i senedd San Steffan agor yn swyddogol.

Ond dyw hi’n dal ddim yn glir a fydd plaid y DUP yn cefnogi’r Llywodraeth er mwyn cael y maen i’r wal.

Mae disgwyl i’r rhaglen gynnwys sawl mesur fydd yn canolbwyntio ar Brexit, ac mae Downing Street wedi mynnu y bydd eu haddewidion maniffesto yn ymddangos yn yr araith.

Mae’r agoriad swyddogol eisoes wedi cael ei ohirio oherwydd na lwyddodd yr un blaid i ennill mwyafrif clir yn yr etholiad brys ar Fehefin 8, felly fydd y seremoni yn San Steffan heddiw ddim mor fawreddog â seremonïau’r gorffennol.

Hefyd mi fydd araith heddiw yn wahanol i’r arfer oherwydd mi fydd yn amlinellu rhaglen dwy flynedd – yn hytrach na blwyddyn – o hyd.

Dim dêl â’r DUP

Hyd yma, mae’r Ceidwadwyr wedi methu a sefydlu dêl â phlaid y DUP, felly nid yw’n glir os fydd y Llywodraeth yn medru diogelu cefnogaeth mwyafrif y senedd tuag at y rhaglen.

Er bod aelodau’r DUP wedi awgrymu nad ydyn nhw’n hapus â thrafodaethau’r ddêl, mae’n debygol caiff y rhaglen ei phasio hyd yn oed os na fydd eu haelodau seneddol yn cefnogi’r Llywodraeth.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.