RSS

Golwg360

MwyCau 

Awstria’n dweud “Na” i obaith Twrci o gael ymuno â’r Undeb Ewropeaidd

Ebrill 29, 2017 13:38


Christian Kern, Canghellor Awstria
Mae canghellor Awstria, Christian Kern, wedi dweud na ddylai Twrci gael ymuno â’r Undeb Ewropeaidd, a bod angen i’r Undeb roi trefn o’r newydd ar ei pherthynas â’r wlad.

“Fe ddylai’r Undeb Ewropeaidd greu perthynas newydd â Thwrci,” meddai Christian Kern wrth newyddiadurwyr ym Mrwsel, a bod hynny’n golygu ystyried materion economaidd, diogelwch a buddiannau ffoaduriaid.

Roedd yn cyfeirio hefyd at y ffaith bod gwefan Wikipedia ddim ar gael i bobol Twrci heddiw, oherwydd gwaharddiad gan lywodraeth y wlad.

“Mae’n rhaid i ni frysio i roi trefn ar bethau, oherwydd allwn ni ddim fforddio cael gwlad ansefydlog o 80 miliwn o bobol ar stepen drws Ewrop.”

Roedd yr Undeb Ewropeaidd wedi addo y câi Twrci ddechrau trafod y posibilrwydd o ddod yn aelod, yn y gobaith y byddai Twrci, wedyn, yn rhwystro ffoaduriaid rhag teithio oddi yno i Ewrop.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.