RSS

Golwg360

MwyCau 

UKIP: “Nid yw gwahardd y burka yn ymosodiad ar Fwslimiaid”

Ebrill 23, 2017 10:24 Diweddarwyd am 21:38


Burka Foslemaidd (Llun: PA)
Dydi gwahardd y burka ddim yn ymosodiad ar Fwslimiaid, yn ôl arweinydd UKIP, Paul Nuttall.

Mae’r blaid hefyd yn ymgyrchu i geisio sicrhau nad yw cyfreithiau Sharia yn cael eu cyflwyno yng ngwledydd Prydain.

Yn hytrach, mae’r blaid yn dadlau fod angen tawelu pryderon nifer sylweddol o bobol ynghylch diogelwch gwledydd Prydain a diffyg integreiddio cymdeithasol.

Yn 2013, dywedodd Paul Nuttall na fyddai’r blaid yn ceisio gwaharddiad ar y burka.

Ond bellach, mae’n galw am roi dirwy i bobol sy’n gorchuddio’u hwynebau’n gyhoeddus.

Cymdeithas Brydeinig

Dywedodd wrth raglen Andrew Marr ar y BBC: “Mae gyda ni ddiogelwch uwch ar hyn o bryd ac er mwyn i gamerâu cylch-cyfyng fod yn effeithiol, mae angen i chi allu gweld wynebau pobol, oherwydd licio neu beidio yn y wlad hon, mae mwy o gamerâu cylch-cyfyng y pen nag yn unrhyw le arall ar y blaned.

“Ni sy’n cael ein gwylio fwyaf ac er mwyn i hynny fod yn effeithiol, mae angen i chi allu gweld wynebau pobol.

“Yn ail, mae’r mater o integreiddio – dw i ddim yn credu y gallwch chi integreiddio’n llawn a mwynhau ffrwyth cymdeithas Brydeinig os na allwch chi weld wynebau pobol.”

Cyfraith Sharia

Ychwanegodd Paul Nuttall fod gwahardd cyfraith Sharia yn ymgais i atal “system gyfreithiol baralel” yng ngwledydd Prydain.

Pan gafodd ei holi a fyddai’n gwahardd cyfreithiau Iddewig, dywedodd fod y sefyllfa “ychydig yn wahanol”, gan fod llai o Iddewon yng ngwledydd Prydain.

“Sefyllfa Sharia yw fod y boblogaeth Foslemaidd yn dyblu o ddegawd i ddegawd. Mae’n dair miliwn erbyn hyn, bydd yn chwe miliwn cyn bo hir.”

Wfftiodd yr awgrym y byddai UKIP yn ceisio cau mosgiau yng ngwledydd Prydain.

“Nid ymosodiad ar Fwslimiaid yn benodol yw hwn, mater o integreiddio yw e.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.