RSS

Golwg360

MwyCau 

Etholiad cyffredinol: galw am gynnal dadleuon heb Theresa May

Ebrill 19, 2017 11:39 Diweddarwyd am 14:37


Dadl deledu ar gyfer arweinwyr pleidiau'r Cynulliad, 2016 (Llun: BBC Cymru)
Mae arweinydd Plaid Cymru, Leanne Wood yn galw am roi cadair wag ar lwyfan pe bai Theresa May yn gwrthod cymryd rhan mewn dadleuon teledu cyn yr etholiad cyffredinol.

Daeth cyhoeddiad gan Brif Weinidog Prydain ddoe y bydd etholiad cyffredinol brys yn cael ei gynnal ar Fehefin 8.

Ond mae hi’n mynnu na fydd arweinwyr y prif bleidiau’n mynd ben-ben â’i gilydd fel y gwnaethon nhw adeg yr etholiad cyffredinol diwethaf.

Dywedodd fod yn well ganddi gynnal sgyrsiau ar stepen y drws.

‘Ofn’

Yn dilyn ei sylwadau, dywedodd Leanne Wood fod Theresa May yn “ofni” cymryd rhan yn y dadleuon.

Wrth iddi ddweud y dylid rhoi cadair wag ar lwyfan, ychwanegodd Leanne Wood: “Dw i’n hapus i gael dadl â hi unrhyw bryd, yn unrhyw le, ond mae hi’n edrych fel pe bai hi’n ofni cael ei chraffu.”

Dywedodd Leanne Wood fod perygl y gallai Cymru fod yn “wlad a gafodd ei hanghofio”.

“Rydym yn edrych ymlaen at y posibilrwydd o gael dadleuon teledu lle gallwn ni brofi fod mwy i’r DU na’r hyn sy’n digwydd y tu fewn i swigen San Steffan.

“Mae’n hanfodol bod y dadleuon yn digwydd gyda neu heb Brif Weinidog y Deyrnas Unedig, a bod pob gwlad yn y Deyrnas Unedig yn cael ei chynrychioli.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.