Cyhoeddi etholiad yn sbarduno lawnsio gwefan newyddion

Diweddarwyd  


Ifan Morgan Jones
Mae darlithydd cyfryngau wedi penderfynu mentro’n gynt na’r disgwyl gyda’i gynllun i sefydlu gwasanaeth newyddion ar y we yn yr iaith Saesneg.

Bwriad gwreiddiol Ifan Morgan Jones, sy’n darlithio yn adran y Diwydiannau Creadigol ym Mhrifysgol Bangor, oedd lawnsio ei wasanaeth, Nation.cymru ar ddechrau blwyddyn wleidyddol ac academaidd newydd yn yr hydref eleni.

Ond mae cyhoeddiad Theresa May heddiw ei bod yn gobeithio ennyn cefnogaeth Ty’r Cyffredin i gynnal etholiad cyffredinol brys ar Fehefin 8, wedi sbarduno Ifan Morgan Jones i fynd amdani’n syth, meddai.

Ar ei flog, mae Ifan Morgan Jones yn dweud bod cyhoeddiad Theresa May wedi “newid popeth” ac mai ei fwriad yw lawnsio rhywbeth – yn yn oed os ydyw’r wefan honno’n wahanol iawn i’r Nation.cymru yr oedd wedi’i bwriadu’n wreiddiol – yn ystod yr wythnosau nesaf.

“Y llynedd (adeg y refferendwm ar adael yr Undeb Ewropeaidd), fe ddaeth hi’n glir fod angen gwefan genedlaethol ar Gymru trwy gyfrwng yr iaith Saesneg,” meddai Ifan Morgan Jones. “Beth bynnag fyddai effaith Brexit ar y Deyrnas Unedig, doedd yna bron dim trafodaeth ar yr effaith ar Gymru, fel ag yr oedd yna yn yr Alban.

“Mae’n bwysig iawn nad ydi Cymru yn cerdded yn ddall i mewn i bleidlais hanesyddol arall ar ei dyfodol,” meddai Ifan Morgan Jones. “Fe all Nation.cymru fod yn llwyfan lle mae trafodaeth gall yn digwydd am yr opsiynau gorau i Gymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd