RSS

Golwg360

MwyCau 

Bom petrol wedi’i thaflu at swyddfa Marine Le Pen

Ebrill 13, 2017 11:15


Marine Le Pen
Mae bom petrol wedi ei thaflu at yr adeilad lle mae pencadlys ymgyrch arlywyddol Marine Le Pen yn ninas Paris.

Cynheuwyd tân bychan ar ôl i’r ddyfais daro swyddfa yswiriant ar lawr gwaelod yr adeilad lle mae’r Ffrynt Genedlaethol yn rhedeg ei hymgyrch. Ond chafodd neb ei anafu, ac fe gafodd y fflamau eu diffodd yn sydyn.

Mae ymchwiliad ar y gweill, ac mae’r heddlu’n dweud bod fandalwyr hefyd wedi paentio graffiti sy’n cyfeirio at bolisi gwrth-fewnfudiad plaid y Ffrynt Genedlaethol.

Mae Marine Le Pen wedi dweud ar y sianel France 2 ei bod yn credu mai “actifyddion asgell-chwith eithafol” sydd y tu ôl i’r digwyddiad.

Mae Marine Le Pen yn un o’r prif ymgeiswyr yn etholiad arlywyddol Ffrainc sy’n cael ei gynnal mewn dwy rownd ar Ebrill 23 a Mai 7.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.