RSS

Golwg360

MwyCau 

Unol Daleithiau a Rwsia’n gobeithio deall ei gilydd tros Syria

Ebrill 12, 2017 11:19 Diweddarwyd am 11:19


Mosgow
Mae Ysgrifennydd Gwladol yr Unol Daleithiau, Rex Tillerson wedi dweud ei fod yn gobeithio datrys “gwahaniaethau” ag Ysgrifennydd Tramor Rwsia, Sergey Lavrov.

Mae’r ddau yn cyfarfod ym Mosgow heddiw i geisio datrys y ffrae tros Syria.

Yn ôl Sergey Lavrov, mae gan Rwsia lu o gwestiynau am agwedd “amheus” a “gwrthgyferbyniol” yr Unol Daleithiau.

Dywedodd ei bod yn bwysig i Rwsia ddeall “gwir fwriad” yr Arlywydd Donald Trump, gan ychwanegu bod y ddwy wlad wedi cytuno i barhau i gyfathrebu.

Mae Sergey Lavrov hefyd wedi mynegi pryder fod nifer o brif swyddi llywodraeth yr Unol Daleithiau’n dal heb eu llenwi, a bod hynny’n ei gwneud hi’n anodd deall beth yw blaenoriaethau’r wlad.

Mae Donald Trump eisoes wedi dweud bod Arlywydd Rwsia, Vladimir Putin yn cefnogi “dyn dieflig” ac “anifail” wrth gefnogi Bashar Assad.

Ond tarodd Vladimir Putin yn ôl gan ddweud bod perthynas Rwsia â’r Unol Daleithiau wedi chwalu ers i Donald Trump ddod i rym.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.