RSS

Golwg360

MwyCau 

Adroddiad: “Pobol anabl yn cael eu trin yn eilradd”

Ebrill 4, 2017 10:53 Diweddarwyd am 11:03


Mae pobol anabl yn y Deyrnas Unedig yn cael eu trin yn eilradd, yn ôl adroddiad newydd.

Dywed y Comisiwn Cydraddoldeb a Hawliau Dynol bod pobol anabl yn cael “eu gadael ar ôl mewn cymdeithas, â chyfleoedd bywyd gwael a dydy agweddau’r cyhoedd heb newid.”

Mae’r adroddiad hefyd wedi dod i’r canfyddiad bod pobol anabl yn wynebu rhwystrau o ran addysg, trafnidiaeth, gwasanaethau iechyd a mynediad i addysg.

“Mae’n rhaid i ni roi hawliau pobol anabl yn gyntaf. Ni allwn, a ni ddylwn adael i’n hunain ailadrodd y gorffennol dros yr ugain mlynedd nesaf,” medd Cadeirydd y Comisiwn, David Isaac.

Gwelliannau

Mae’r adroddiad hefyd yn galw ar Lywodraeth Cymru, yr Alban a’r Deyrnas Unedig i fynd ati i osod ffocws ar gydraddoldeb i bobol anabl.

“Fe fyddwn yn ystyried darganfyddiadau’r adroddiad ac yn ymateb yn ei bryd,” meddai llefarydd ar ran Llywodraeth Cymru.

Caiff sawl gwelliant eu cynnig gan y Comisiwn gan gynnwys, sicrhau cyflogau cydradd, darpariaeth gwasanaethau allweddol  a gwella cyfreithiau sydd eisoes yn bodoli i amddiffyn hawliau pobol anabl.

“Byw mewn tlodi”

Yn ôl yr adroddiad:

  • Dim ond 47.6% o bobol anabl sydd yn gweithio o gymharu â 80% o bobol eraill.
  • Mae mwy o bobol anabl yn byw mewn tlodi.
  • Roedd 18.4% o bobol anabl rhwng 16-64 oed yn wynebu tlodi bwyd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.