RSS

Golwg360

MwyCau 

‘Ni ddylai strategaeth wrth-frawychiaeth ganolbwyntio ar Fwslimiaid yn unig’

Mawrth 26, 2017 12:00


Jeremy Corbyn (Llun: PA)
Ni ddylai strategaeth wrth-frawychiaeth Llywodraeth Prydain ganolbwyntio ar Fwslimiaid yn unig, yn ôl Jeremy Corbyn.

Yn ôl arweinydd y Blaid Lafur, dylid ehangu’r strategaeth fel nad yw’r gymuned Foslemaidd yn teimlo fel pe baen nhw’n cael eu targedu’n annheg.

Dywedodd fod y strategaeth bresennol yn “wrth-gynhyrchiol” ac yn codi “amheuon” am y gymuned Foslemaidd gyfan yng ngwledydd Prydain.

Dywedodd wrth raglen Peston on Sunday ar ITV fod angen diwygio’r strategaeth ar ôl ymosodiad brawychol Llundain ddydd Mercher.

“Dw i’n siarad â phobol yn y gymuned Foslemaidd, dw i’n siarad â phobol yn y mosg, dw i’n siarad â phobol yn yr eglwys, dw i’n siarad â phobol sy’n mynd i’r synagog, pob math o wahanol ffydd a gwahanol grwpiau.

“Dw i’n credu mai’r hyn y mae Prevent wedi’i wneud yn aml yw targedu’r gymuned Foslemaidd, neb arall, ac maen nhw’n dweud bod amheuon am y gymuned gyfan ac yn aml, mae hynny’n wrth-gynhyrchiol.”

Dywedodd fod Prevent yn “edrych ar y gymuned Foslemaidd yn unig”, er bod angen mynd i’r afael ag eithafiaeth, hiliaeth a neilltuo o bob math.

“Dw i’n dweud fod angen ei ehangu i fod yn agenda o gynhwysiant. Canolbwyntiwch ar bob cymuned.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.