RSS

Golwg360

MwyCau 

Mis Mawrth stormus wrth i Sinn Féin ennill seddi yn Stormont

Mawrth 17, 2017 09:29 Diweddarwyd am 09:30


Stormont

Yn dilyn etholiad Cynulliad Gogledd Iwerddon ar Fawrth 2, mae’r blaid bellach yn ail o ran nifer y seddi, gyda’u 27 yn dynn ar sodlau 28 sedd Plaid yr Unoliaethwyr Democrataidd (DUP).

Yn syth wedi’r etholiad, fe ddaeth galwad gan Sinn Féin am ymddiswyddiad arweinydd DUP, Arlene Foster, o fod yn Brif Weinidog Gogledd Iwerddon.

Heb iddi gamu o’r neilltu, meddai Sinn Féin, does dim posib cynnal ymchwiliad diduedd i’r sgandal egni adnewyddadwy, medden nhw (y sgandal a arweiniodd at ymddiswyddiad Martin McGuinness, y Dirprwy Brif Weinidog, ac a arweiniodd at orfod cynnal yr etholiad yn y lle cynta’.)

Mae Llywodraeth Prydain, yn ei thro, wedi galw ar Sinn Féin ynghyd â’r DUP i sicrhau bod llywodraeth newydd yn cael ei ffurfio yn dilyn yr etholiad, ac mae Theresa May wedi cyhoeddi na fydd hi’n mynd yn agos i’r trafodaethau aml-bleidiol i drafod rhannu grym.

Bu’n rhaid i Arlene Foster ymddiheuro wythnos wedi’r etholiad, wedi iddi gymharu Sinn Féin ag ymlusgiad barus: “Os ydych chi’n bwydo crocodeil, mae e’n siwr o ddod yn ôl am fwy,” meddai, wrth drafod galwad Sinn Féin am Ddeddf Iaith i amddiffyn y Wyddeleg.

Bellach mae Sinn Féin yn cynnal trafodaethau â’r DUP ynglŷn â rhannu grym yn Stormont… ond does dim llawer o obaith y bydd y trafodaethau’n dwyn ffrwyth. Os felly, fe allai arwain at gynnal etholiad arall, neu gyfnod o dan reolaeth San Steffan.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.