RSS

Golwg360

MwyCau 

Amseriad refferendwm – ‘Yr Alban i benderfynu’, meddai Nicola Sturgeon

Mawrth 14, 2017 14:00 Diweddarwyd am 14:04


Nicola Sturgeon Llun: PA
Senedd yr Alban ddylai benderfynu pa bryd y dylid cynnal ail refferendwm ar annibyniaeth yr Alban, nid Llywodraeth Prydain, meddai Nicola Sturgeon.

Daw ei sylwadau wedi iddi gyfarfod â’i chabinet yng Nghaeredin heddiw gan ymateb i sylwadau Prif Weinidog Prydain wnaeth ei chyhuddo o “chwarae gemau gwleidyddol” fyddai’n arwain at “ansicrwydd a rhaniadau.”

Ond mae Nicola Sturgeon wedi rhybuddio Theresa May a’i llywodraeth i beidio â rhwystro’r ymgais i’r Alban gynnal ail refferendwm cyn i Brydain adael yr Undeb Ewropeaidd.

Cydsyniad Brenhinol

“Dylai refferendwm yr Alban gael ei adeiladu ar egwyddorion democratiaeth, mandad a chynsail, a dylent oll gael eu harsylwi wrth inni geisio rhoi i bobol yr Alban y dewis y mae’r sefyllfa wleidyddol bresennol yn ei fynnu,” meddai Nicola Sturgeon.

Er hyn, mae’n edrych yn debygol y bydd Theresa May yn ceisio gwrthod y refferendwm tan y bydd Prydain wedi gadael yr Undeb Ewropeaidd.

Ac mae’r broses honno yn symud yn ei blaen gyda disgwyl i’r Mesur fydd yn arwain at danio Erthygl 50 gael ei wneud yn ddeddf heddiw ar ôl cael Cydsyniad Brenhinol.

Mae Theresa May wedi ymrwymo i danio Erthygl 50 yn ystod wythnos olaf mis Mawrth, fydd yn arwain at y broses o adael fydd yn cymryd dwy flynedd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.