Rhybuddio Theresa May i beidio rhwystro ail refferendwm i’r Alban

Diweddarwyd am  


Theresa May Llun: Jonathan Brady/PA Wire
Mae adroddiadau ar led heddiw y gallai Theresa May wrthod yr alwad am ail refferendwm annibyniaeth i’r Alban cyn i Brydain adael yr Undeb Ewropeaidd.

Mae Prif Weinidog Prydain wedi cyhuddo plaid yr SNP o “chwarae gemau gwleidyddol” wedi i Nicola Sturgeon gyhoeddi ddoe ei bod am geisio caniatâd i gynnal ail refferendwm rhwng hydref 2018 a gwanwyn 2019.

Yn ôl Theresa May, byddai hynny’n creu “mwy o ansicrwydd a rhaniadau,” ond mae’r SNP wedi ei rhybuddio i beidio â cheisio’i rwystro.

“Ni allaf weld sut y gall Llywodraeth y Deyrnas Unedig a etholwyd yn ddemocrataidd ddweud wrth Lywodraeth yr Alban a etholwyd yn ddemocrataidd ar fandad i gynnal refferendwm … na allan nhw gynnal pleidlais,” meddai Dirprwy Arweinydd yr SNP, Angus Robertson.

Tanio Erthygl 50

Yn y cyfamser, mae Theresa May yn rhydd yn awr i fwrw ymlaen i danio Erthygl 50 wedi i welliannau Tŷ’r Arglwyddi gael eu trechu neithiwr.

Yn wreiddiol, cyflwynodd yr Arglwyddi welliannau i Fesur Brexit i sicrhau pleidlais i Aelodau Seneddol cyn y cytundeb terfynol, a hefyd gwarchod hawliau dinasyddion yr Undeb Ewropeaidd sy’n byw yn y Deyrnas Unedig.

Fe gafodd y rheiny eu trechu yn Nhŷ’r Cyffredin, ac ni wnaeth yr Arglwyddi alw eto amdanyn nhw neithiwr.

Diwedd mis Mawrth

Roedd adroddiadau fod Theresa May am danio Erthygl 50 heddiw neu rywbryd yr wythnos hon, ond mae’n edrych yn debyg nawr na fydd hynny’n digwydd tan wythnos olaf mis Mawrth.

Roedd arweinwyr yr Undeb Ewropeaidd yn aros am y cyhoeddiad yr wythnos hon gyda chyfarfod wedi’i drefnu ar gyfer Ebrill 6 i ymateb iddo, ond mae’r dyddiad hwnnw wedi’i wthio’n ôl at ddiwedd Ebrill hefyd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd