Mesur Carchardai a Llysoedd yn addo addysgu, nid cosbi

 


Bydd Llywodraeth y Deyrnas Unedig yn cyflwyno Mesur yn San Steffan heddiw fydd yn arwain at newidiadau mawr i garchardai yng Nghymru a Lloegr.

Trwy gyflwyno’r Mesur Carchardai a Llysoedd bydd modd i lywodraethwyr reoli cyllidebau, ac mi fydd tablau perfformiad carchardai yn cael eu creu.

Mae ail droseddu yn costio £15 biliwn pob blwyddyn, a gobaith y Llywodraeth yw rhoi mwy o bwyslais ar addysgu carcharorion yn hytrach na chosbi yn unig.

Wrth drosglwyddo rheolaeth dros gyllidebau addysg, cyflogaeth a iechyd i’r llywodraethwyr, bydd disgwyl iddyn nhw fynd i’r afael â phroblemau cyffuriau ac i addysgu eu carcharorion.

Daw’r mesur sydd yn cyfuno nifer o ddiwygiadau, yn sgil cynnydd yn lefelau trais, hunanladdiad ac aflonyddwch o fewn carchardai.

Cyfle i newid

“Dylai carchardai fod yn gyfrifol am gosbi pobol sydd wedi bod troseddi’n ddifrifol ond hefyd dylai fod carchardai yn cynnig y cyfle i droseddwyr newid eu bywydau am y gorau,” meddai Ysgrifennydd Cyfiawnder Llywodraeth y Deyrnas Unedig, Elizabeth Truss.

“Dylai disgyblaeth a gwaith caled cael eu hannog yn ein carchardai a dylwn roi’r pŵer i ein staff i fedru cynorthwyo carcharorion i osgoi cyffuriau ac i wella eu sgiliau Saesneg a Mathemateg.”

Bydd y mesur hefyd yn cryfhau pŵer llysoedd i fedru atal dioddefwyr trais domestig rhag cael eu cwestiynu gan eu hymosodwyr mewn llysoedd ac yn ehangu darpariaeth gwrandawiadau llys dros fideo.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd