RSS

Golwg360

MwyCau 

George Osborne ‘wedi talu’r pris’ am alw am ddiswyddo Theresa May

Chwefror 4, 2017 12:23


George Osborne (Llun: PA)
Mae cofiant newydd i Theresa May yn awgrymu bod y cyn-Ganghellor George Osborne wedi talu’r pris am roi pwysau ar y cyn-Brif Weinidog David Cameron i’w diswyddo pan oedd hi’n Ysgrifennydd Cartref.

Pan ddaeth Theresa May yn Brif Weinidog, doedd dim lle i George Osborne yn ei chabinet cyntaf.

Mae lle i gredu bod George Osborne yn grac ynghylch diffyg cefnogaeth Theresa May i’r ymgyrch o blaid aros yn rhan o’r Undeb Ewropeaidd cyn y refferendwm y llynedd.

Yn ôl y gyfrol Theresa May: The Enigmatic Prime Minister gan Rosa Prince, sy’n cael ei gyhoeddi fesul dipyn yn y Daily Mail, fe ddywedodd George Osborne wrth nifer o gydweithwyr y gallai agwedd Theresa May olygu y byddai hi’n colli ei swydd.

Ond yn ôl y cyn-aelod Cabinet Syr Eric Pickles, “mae hi wedi ei roi e yn ei le”.

Yn ôl cydweithiwr arall, “roedd e eisiau’r Swyddfa Dramor. Roedd peth sôn hyd yn oed y gallai aros yn y Trysorlys – fe fyddai e wedi gwneud hynny.”

Dim lle

Ond yn ystod sgwrs a barodd ddeng munud yn unig, fe gafodd e wybod gan Theresa May nad oedd lle iddo yn ei chabinet.

Dywedodd aelod presennol o’i chabinet nad oedd hi’n “gallu goddef” George Osborne.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.