Araith olaf Barack Obama yn Arlywydd America

Diweddarwyd am  


Mae Arlywydd presennol yr Unol Daleithiau wedi traddodi ei araith ymadawol yn Chicago.

Roedd Barack Obama yn emosiynol wrth drafod ei drallod a’i lwyddiannau yn ystod ei wyth blynedd fel Arlywydd.

Wrth ddadlau bod ei ffydd yn America wedi ei atgyfnerthu, dywedodd ei fod yn gorffen ei gyfnod yn y swydd wedi ei ysbrydoli gan “gallu diderfyn” y wlad i newid ei wedd gan ddatgan: “Ni biau’r dyfodol.”

Cyfeiriodd at “anghydraddoldeb clir” oedd yn niweidio democratiaeth America a rhybuddiodd bod anghenion gormod o deuluoedd canol dinasoedd a chefn gwlad yn cael eu hanwybyddu.

Areithiodd yn rymus ar y dechrau ond trodd yn ddagreuol erbyn y diwedd yn ystod yr araith wnaeth bara am ychydig llai nag awr.

Wrth adlewyrchu ar natur etholiad arlywyddol diweddar yr Unol Daleithiau dywedodd Barack Obama fyddai potensial y wlad “ond yn cael ei gyflawni os ydyn ni i gyd, gan ddiystyru cysylltiadau pleidiol yn adfer ymdeimlad o bwrpas cyffredin sydd wir angen arnom nawr.”

Y darpar-Arlywydd

Gyda’r darpar Arlywydd Donald Trump, yn camu i’r swydd ymhen deng niwrnod, dechreuodd y dorf fwian pan gyfeiriodd Barack Obama at y newid yn y drefn.

Ond rhyw sylw didaro cafodd ei gyfeirio at olynydd yr Arlywydd, gyda Barack Obama yn addo byddai ei weinyddiaeth yn sicrhau “trawsnewidiad llyfn”.

Er hyn ymosododd weledigaeth Donald Trump am America gan rybuddio ynglŷn â bygythiad “newyddion ffug” i ddemocratiaeth a gan gyfleu pryder tuag at wleidyddion sydd yn cwestiynu cynhesu byd eang.

Gwnaeth Barack Obama hefyd dalu teyrnged i aberth ei wraig a’i ferched yn ystod yr araith er roedd ei ferch ifancaf, Sasha Obama, yn absennol yn ystod yr araith.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd