Martin McGuinness yn galw ar i Brif Weinidog Gogledd Iwerddon fynd

Diweddarwyd am  


Arlene Foster, Prif Weinidog Gogledd Iwerddon (Llun: PA)
Mae arweinydd Sinn Fein, Martin McGuinness, wedi galw ar i Brif Weinidog Gogledd Iwerddon i symud o’r neilltu er mwyn osgoi mwy o sgandal ynghylch cynllun gwresogi.

Yn ei neges Blwyddyn Newydd, mae’n dweud y dylai’r Prif Weinidog a’i phlaid, y DUP, dderbyn bod yna alw cyffredinol am ymchwiliad i’r cynllun sy’n cael ei nabod gan y llythrennau RHI.

“Does yna ddim amheuaeth chwaith,” meddai, “ein bod yn wynebu creisis gwleidyddol yn y Gogledd wrth i hyder y cyhoedd yn ein sefydliadau gwleiyddol gael ei danseilio’n sylweddol.

“Er mwyn mynd i’r afael â’r heriau hyn, mae’n rhaid i’r DUP a’i arweinydd, Arlene Foster, dderbyn bod yna awydd llethol yn y gymdeithas i ddelio gyda’r mater hwn, ac i Arlene Foster gamu o’r neilltu tra bod adroddiad yn cael ei lunio.”

Fe ddaw galwad ddiweddara’ Martin McGuinness yn dilyn cyhoeddi llythyr a anfonodd Arlene Foster at fancwyr ym mis Ionawr 2013, pan oedd hi’n Weinidog yr Economi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd