Owen Smith: pobol yn bygwth ei ladd wedi ras arweinyddiaeth Llafur

Diweddarwyd am  


Mae Aelod Seneddol Pontypridd yn dal i gael pobol yn bygwth ei ladd, ers iddo sefyll yn erbyn Jeremy Corbyn am arweinyddiaeth y blaid Lafur yn gynharach eleni.

Me Owen Smith yn dweud wrth bapur newydd The Guardian heddiw iddo dderbyn “nifer fawr” o fygythiadau, ond nad yw’n difaru herio arweinydd Llafur.

“Roedd yn rhaid galw’r heddlu i syrjeri yr o’n i’n ei chynnal ddydd Gwener diwetha’ oherwydd bygythiadau,” meddai Owen Smith.

“Mae rhai o’r bygythiadau i wneud â’r her i arweinyddiaeth Jeremy Corbyn, ond mae rhai yn ymwneud â datganiadau gwleidyddol eraill dw i wedi’u gwneud.

Colli i’r cyfryngau cymdeithasol 

“Rhan fawr o’r peth ydi’r cyfryngau cymdeithasol,” meddai wedyn, “a’r modd yr oedd cefnogwyr Jeremy yn weithgar iawn, iawn, ac yn ymosodol ar y we.”

Ers yr her i’w arweinyddiaeth, mae Owen Smith o’r farn bod Jeremy Corbyn wedi perfformio’n well yn sesiynau Holi’r Prif Weinidog yn San Steffan.

“Mae e wedi bod yn dipyn mwy siarp yn PMQs,” meddai. “Mae’n fwy fforensig wrth fynd ar ôl ei themâu, ac mae hynny yn codi calon rhywun.

“Ond mae unrhyw un sy’n cymryd diddordeb mewn gwleidyddiaeth fodern yn gwybod na allwch chi dynnu’ch llygad oddi ar y bêl. Mae pleidiau gwleidyddol yn gallu diflannu… mae’n hollol bosib.

“Ac, fel ddwedes i dros yr ha’, mae pleidiau’n cymryd cenedlaethau i gael eu meithrin a’u tyfu, ond yn gallu diflannu dros nos.”

Ar y fainc ôl

Mae Owen Smith wedi gwrthod dod oddi ar y fainc ôl ers iddo ymddiswyddo o’r wrthblaid cyn y ras am arweinyddiaeth y blaid Lafur.

“Rwy’n dal yn rhwystredig ac yn siomedig na wnes i ennill yr etholiad i fod yn arweinydd,” meddai Owen Smith, “ac rwy’n siomedig fod y Blaid Lafur mor isel yn y pôl.

“Rwy’n gobeithio y galla’ i barhau i wneud fy rhan.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd