May: Diogelu lluoedd arfog Prydain rhag cael eu herlyn

 


Milwyr yn Afghanistan
Mae Theresa May yn bwriadu diogelu lluoedd arfog Prydain rhag cael eu herlyn mewn achosion sy’n codi mewn rhyfeloedd yn y dyfodol, drwy eithrio ei hun o rannau o’r Confensiwn Ewropeaidd ar Hawliau Dynol.

O dan newidiadau a fydd yn cael eu cyhoeddi yng nghynhadledd y Ceidwadwyr ym Mirmingham, fe fydd y Llywodraeth yn cyhoeddi ei bod yn eithrio ei hun o’r Confensiwn yn ystod cyfnodau o ryfel.

Daw’r penderfyniad ar ôl i rai milwyr yn rhyfeloedd Irac ac Afghanistan gael eu herlyn yn y llysoedd yn sgil honiadau o gam-drin carcharorion neu ymladdwyr mwy na degawd ers i’r gamdriniaeth honedig ddigwydd.

Dywed Theresa May y dylai’r camau hyn ddod a diwedd i achosion o’r fath gan ychwanegu y byddai’n arbed arian i’r trethdalwr. Mae’r Weinyddiaeth Amddiffyn wedi gwario mwy na £100 miliwn ar ymchwiliadau neu iawndal sy’n gysylltiedig ag Irac ers 2004.

Roedd y Prif Weinidog wedi codi pryderon ynglŷn â nifer cynyddol yr achosion oedd wedi cael eu hadrodd i’r tîm sy’n ymchwilio i honiadau hanesyddol yn Irac. Cafodd ei sefydlu ym mis Tachwedd 2010 i ymchwilio i honiadau bod milwyr gwledydd Prydain wedi llofruddio, cam-drin neu arteithio pobl Irac rhwng 2003 a 2009.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd