Ffoaduriaid: May yn amlinellu ei chynlluniau yn Efrog Newydd

 


Ffoaduriaid o Syria Llun: PA
Fe fydd y Theresa May yn amlinellu ei chynlluniau i fynd i’r afael ag argyfwng y ffoaduriaid wrth iddi gwrdd ag arweinwyr byd yn Efrog Newydd heddiw yn uwchgynhadledd y Cenhedloedd Unedig.

Mae disgwyl i’r Prif Weinidog ddweud y dylai ffoaduriaid wneud cais am loches yn y wlad ddiogel gyntaf maen nhw’n ei chyrraedd. Mae hi’n dadlau bod y duedd i’w symud ymlaen yn golygu eu bod yn wynebu rhagor o beryglon a bod gangiau troseddol yn elwa.

Fe fydd hi hefyd yn pwysleisio bod gan wledydd yr hawl i reoli eu ffiniau a chyfrifoldeb i atal mewnfudwyr sy’n cyrraedd yn anghyfreithlon.

‘Lefelau digynsail’

Yn uwchgynhadledd gyntaf y Cenhedloedd Unedig i drafod ffoaduriaid a mewnfudwyr, fe fydd Theresa May yn pwysleisio bod angen cymryd mesurau brys i fynd i’r afael a “lefelau digynsail” o ffoaduriaid.

Cyn yr uwch-gynhadledd dywedodd Theresa May bod angen “gwell ymateb sy’n canolbwyntio ein hymdrechion dyngarol ar y ffoaduriaid hynny sydd mewn angen dybryd ac sydd hefyd yn cynnal hyder y cyhoedd yn y budd economaidd o fewnfudo cyfreithlon  sy’n cael ei reoli,”

Yn ogystal â chymryd rhan yn yr uwchgynhadledd, sy’n cael ei gadeirio gan yr ysgrifennydd cyffredinol Ban Ki-moon, fe fydd Theresa May hefyd yn cymryd rhan mewn cynhadledd i drafod ffoaduriaid sy’n cael ei gynnal gan Arlywydd yr Unol Daleithiau Barack Obama ddydd Mawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd