Osborne – ddim am olynu Cameron

Diweddarwyd am  


Y Canghellor George Osborne
Mae’r Canghellor, George Osborne, wedi cadarnhau na fydd yn ymgeisio i olynu David Cameron fel Prif Weinidog.

Dywedodd ym mhapur newydd The Times, “nid fi yw’r person i ddarparu’r undod sydd ei angen ar fy mhlaid.”

“Dyw hi ddim yn fy natur i wneud pethau wrth eu hanner, ac fe frwydrais ymgyrch y refferendwm hwn efo’r cyfan oedd gen i. Rwy’n credu yn yr achos hwn, ac fe frwydrais yn galed drosto.”

Ychwanegodd fod David Cameron wedi bod “yn gall i oedi” gweithredu Cymal 50 o Gytundeb Lisbon, sef y weithred ffurfiol o adael yr Undeb Ewropeaidd.

Mae’r Ysgrifennydd Iechyd Jeremy Hunt wedi dweud ei fod yn “ystyried o ddifrif” sefyll fel ymgeisydd.

Enwau yn y ras

 

Mae’r enwebiadau ar gyfer ymgeiswyr posib i olynu David Cameron yn agor yfory ac yn cau nos Iau, ac mae disgwyl i ASau ddewis dau ymgeisydd i’w cyflwyno i’r aelodaeth ehangach.

Mae’r enwau yn y ras hefyd yn cynnwys Boris Johnson, Theresa May, Stephen Crabb, Sajid Javid, Nicky Morgan, Amber Rudd, Andrea Leadsom, Priti Patel a Liam Fox.

Yn y cyfamser, mae Jeremy Hunt wedi awgrymu y dylai Prydain gynnal pleidlais arall ar yr Undeb Ewropeaidd, unai drwy refferendwm, etholiad cyffredinol neu gais ym maniffesto’r Ceidwadwyr.

Dywedodd y dylai cytundeb gael ei wneud sy’n cynnwys mynediad at y farchnad sengl a chyfaddawd ar symudiad rhydd gweithwyr.

Mae disgwyl i’r Prif Weinidog newydd gael ei benodi erbyn 2 Medi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd