Luke Evans am serennu mewn cyfres deledu am lofruddiaethau Sir Benfro

Diweddarwyd am  

Llun: CC0

Y Cymro Luke Evans fydd yn chwarae’r prif gymeriad mewn cyfres ddrama newydd am lofruddiaethau pedwar o bobol yn Sir Benfro yn y 1980au.

Bydd y gyfres dair rhan, The Pembrokeshire Murders ar ITV, yn olrhain hanes y llofrudd John Cooper, a Luke Evans yn chwarae rhan Steve Wilkins, fu’n arwain ymchwiliad yr heddlu.

Hefyd yn serennu yn y gyfres fydd Keith Allen a fydd yn chwarae cymeriad John Cooper, ynghyd ag Owen Teale, Alexandria Riley, Caroline Berry, Oliver Ryan a David Fynn.

Dywed Luke Evans ei bod yn “fraint” cael chwarae’r cymeriad, ond ei fod hefyd yn “gyfrifoldeb enfawr”.

World Productions, cynhyrchwyr y cyfresi Line Of Duty a Bodyguard, fydd yn cynhyrchu’r gyfres dan arweiniad Simon Heath.

Nick Stevens yw awdur y gyfres sydd wedi’i seilio ar y llyfr Catching The Bullseye Killer gan Steve Wilkins a’r newyddiadurwr Jonathan Hill.

Cefndir

Ar ôl degawdau heb atebion yn dilyn ymchwiliad gan Heddlu Dyfed-Powys i ddau achos o lofruddiaethau dwbwl, aeth y Ditectif Uwch Arolygydd Steve Wilkins ati i edrych ar yr achos o’r newydd yn 2006.

Gan ddefnyddio technegau fforensig arloesol, daeth yr heddlu o hyd i olion DNA a ffibrau bach iawn i gysylltu’r llofruddiaethau ag achosion o fwrgleriaeth yn y 1980au a’r 1990au.

Roedd John Cooper eisoes yn y carchar ac yn dod i ddiwedd ei ddedfryd pan gafodd ei gysylltu â’r llofruddiaethau.

Gwasanaethau Brys

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones