RSS

Golwg360

MwyCau 

Dyn, 31, sydd wedi’i gyhuddo o lofruddio’i ferch, yn y llys

Hydref 9, 2017 09:59 Diweddarwyd am 21:43


Matthew Scully Hicks Llun: PA
Mae achos dyn 31 oed, sydd wedi’i gyhuddo o lofruddio’r ferch fach roedd wedi’i mabwysiadu, wedi dechrau yn Llys y Goron Caerdydd.

Mae Matthew Scully-Hicks yn gwadu llofruddio Elsie Scully-Hicks, a oedd yn 18 mis oed, ym mis Mai y llynedd.

Clywodd y llys bod yr hyfforddwr ffitrwydd rhan amser o Delabole, yng Nghernyw wedi mabwysiadu Elsie Scully-Hicks gyda’i bartner, Craig Scully-Hicks, bythefnos yn unig cyn iddi farw.

Roedd hi wedi bod yn byw gyda’r cwpl ers mis Medi 2015 cyn cael ei mabwysiadu ganddyn nhw ym mis Mai 2016.

Mae’r erlyniad yn honni bod Matthew Scully-Hicks wedi cam-drin ac ymosod ar Elsie Scully-Hicks sawl gwaith yn ystod y misoedd cyn iddi farw, gan achosi anafiadau difrifol.

Cafodd y Gwasanaeth Ambiwlans eu galw i gartref y cwpl yng Nghaerdydd am 6.20yh ar 25 Mai. Cafodd y ferch fach ei chludo i Ysbyty Athrofaol Cymru lle bu farw ar 29 Mai.

Mae disgwyl i’r achos bara tua phedair wythnos.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.