RSS

Golwg360

MwyCau 

Gyrrwr lori damwain M1 wedi ymddangos gerbron ynadon

Awst 28, 2017 12:23


Mae’r gyrrwr sy’n wynebu 20 o gyhuddiadau yn ymwneud â damwain ar draffordd yr M1, wedi ymddangos gerbron llys.

Mae Ryszard Masierak, 31, wedi’i gyhuddo o fod â gormod o alcohol yn ei waed pan fu ei lori mewn gwrthdrawiad ar draffordd yr M1 yn Swydd Buckingham yn oriau mân fore Sadwrn diwethaf (Awst 26).

Fe gafodd chwech o ddynion a dwy ddynes oedd yn teithio mewn fan Ford Transit eu lladd, wedi i’w cerbyd fod mewn gwrthdrawiad â lori Scania ac ail lori ger Newport Pagnell toc wedi 3 o’r gloch y bore.

Mae tri theithiwr arall – yn cynnwys merch bum mlwydd oed – yn ymladd am eu bywydau, ac mae pedwerydd wedi diodde’ mân anafiadau.

Fe ymddangosodd Ryszard Masierak gerbron Llys Ynadon High Wycombe Magistrates’ Court heddiw, ac fe glywodd y llys fod 55mg o alcohol fesul 100mg o waed. Y gyfradd gyfreithlon ydi 35mg.

Mae wedi’i gadw yn y ddalfa nes y bydd yn ymddangos gerbron Llys y Goron Aylesbury ar Fedi 26.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.