RSS

Golwg360

MwyCau 

Morwr 90 oed – y chwilio’n dod i ben

Ebrill 17, 2017 08:55 Diweddarwyd Ebrill 18, 2017 09:05


'Archie' Taylor (trwy law Heddlu Dyfed-Powys)
Mae’r chwilio ffurfiol am forwr 90 oed o Geredigion wedi dod i ben.

Fe fethodd y gwasanaethau achub ddod o hyd i Arthur Roy Taylor ar ôl iddo ddiflannu ar y môr yn ystod y dydd ddydd Sadwrn.

Fe fu hofrennydd a phedwar tîm achub yn chwilio Bae Ceredigion amdano ddoe a neithiwr, ond heb lwyddiant.

Yn awr mae Gwylwyr y Glannau’n dweud ei bod yn annhebyg y bydd y chwilio ffurfiol yn ailddechrau.

Diflannu

Fe gafodd Arthur ‘Archie’ Taylor ei weld ddiwetha’ yn mynd ar ei gwch hwylio bychan yn Gwbert ger Aberteifi tua 9.30 fore Sadwrn.

Fe ddaethpwyd o hyd i’w gwch yn wag yn ardal Aberteifi ddiwedd y dydd – fe gafodd y gwasanaethau achub eu galw am 5.15 brynhawn Sadwrn ar ôl i’r morwr oedrannus fethu dychwelyd.

Mae Heddlu Dyfed-Powys yn apelio am luniau neu ffilmiau fideo a dynnwyd ar lan y môr yn yr ardal ddydd Sadwrn, rhag ofn fod cwch Archie Taylor i’w gweld ynddyn nhw.

Maen nhw hefyd wedi cyhoeddi disgrifiad ohono – mae tua 5’4” o daldra ac yn fain. Roedd yn gwisgo siwmper las tywyll a siaced law lwyd tywyll.

Roedd dau gwch achub o Aberteifi ac Abergwaun hefyd yn rhan o’r chwilio.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.