RSS

Golwg360

MwyCau 

Arestio pum protestiwr yn Heathrow

Chwefror 21, 2017 12:28


Maes Awyr Heathrow
Mae pum protestiwr wedi eu harestio am geisio atal ceir rhag teithio ar hyd ffordd ym maes awyr Heathrow.

Cafodd y pump eu harestio ar ôl cynnal protest am dair awr gan orfodi maes awyr prysuraf y Deyrnas Unedig i gau twnnel fore dydd Mawrth.

Mae’r grŵp ymgyrchu, Rising Up!, yn protestio yn erbyn cynlluniau i ehangu’r maes awyr trwy adeiladu trydedd lain lanio. Maen nhw’n dadlau y bydd ehangu’r maes awyr yn cael effaith andwyol ar yr hinsawdd.

Roedd tri phrotestiwr wedi cadwyno eu hunain at gar tra bod dau berson arall yn eistedd mewn cerbydau gan rwystro’r ffordd rhwng terfynfa dau a thri.

Cafodd y pump, pedwar dyn a dynes, eu harestio am rwystro ffordd, meddai’r heddlu, gan ychwanegu bod un o’r dynion wedi cael eu cludo i’r ysbyty fel “rhagofal.”

Dywedodd llefarydd ar ran y maes awyr yng ngorllewin Llundain bod y brotest wedi achosi problemau traffig yn yr ardal ond nad oedd “yn ymddangos bod unrhyw hediadau wedi’u heffeithio.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.