RSS

Golwg360

MwyCau 

Radio Cymru yn ‘mynd dros y dibyn ariannol i gyfeiliant canu Saesneg’ medd AS

Ionawr 1, 2013 19:01 Diweddarwyd am 19:04


Mae Aelod Seneddol Maldwyn wedi rhybuddio fod yr anghydfod dros ddarlledu caneuon ar Radio Cymru yn “drychineb” i’r iaith Gymraeg.

Dywedodd y Ceidwadwr Glyn Davies yn ei flog fod sefyllfa bresennol Radio Cymru “fel gwylio ffrind annwyl sydd wedi ei daro’n ddifrifol wael.”

“Fe fydd llawer o bobol, fel fi, yn ysgwyd eu pennau mewn penbleth ar yr hyn sy’n ymddangos fel difrod sydd wedi ei greu ganddyn nhw eu hunain,” meddai Glyn Davies.

Mae’r BBC ac Eos, y corff hawliau darlledu Cymraeg newydd, wedi methu â chytuno ar daliadau i gerddorion sy’n golygu nad yw Radio Cymru yn cael darlledu o blith 30,000 o ganeuon Cymraeg.

Bydd cerddoriaeth Saesneg a chlasurol yn cael ei darlledu ar Radio Cymru i lenwi’r bwlch.

Dywed Glyn Davies fod yr anghydfod yn drychineb i gerddorion Cymraeg ac i Radio Cymru ei hun.

“Mae Radio Cymru yn derbyn £13.5 miliwn gan y drwydded, ac mae ganddi gynulleidfa wythnosol o 150,000 – ac nid yw hyd yn oed yn chwarae cerddoriaeth Gymraeg, union bwynt ei bodolaeth. Colli/colli/colli,” meddai’r Ceidwadwr yn ei flog.

Dafydd Iwan: ‘Gall fod yn ergyd farwol i Radio Cymru’

Mae Dafydd Iwan, sy’n rheolwr gyfarwyddwyr ar gwmni Sain, wedi dweud y “gall y sefyllfa bresennol fod yn ergyd farwol.”

“Gallai Radio Cymru golli rhan helaeth o’i gynulleidfa am byth,” meddai.

“Dyna pam y mae’n rhaid i awdurdodau’r BBC, gan gynnwys y Llywodraethwyr, symud yn gyflym i gyfarfod gofynion cerddorion Cymru mewn modd anrhydeddus.

“Mae’r trafod diweddar wedi profi’r fantais o gael awdurdod darlledu Cymreig, sef S4C, sy’n deall y cyd-destun Cymreig, rhagor corff Prydeinig sy’n cael ei reoli o Lundain, sef y BBC,” meddai Dafydd Iwan.

Mae Radio Cymru wedi cyhoeddi ei fod yn gorfod cwtogi dwy awr y dydd ar ddarllediadau’r orsaf ac mae Ymddiriedolwr Cenedlaethol y BBC dros Gymru, Elan Closs Stephens, wedi dweud fod “y drwg y gallai newid sylweddol ei gael ar ein cynulleidfaoedd yn bryder mawr iawn” iddi.

“Does neb yn ennill o weithredu fel hyn, yn sicr nid cynulleidfa Radio Cymru,” meddai Elan Closs Stephens.

Mae disgwyl i’r trafodaethau rhwng Eos a’r BBC barhau yn ystod yr wythnos yma.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.