Croesawu argymhelliad Silk am fwy o gydweithio

 



Mae grŵp sy’n ymgyrchu dros faterion democratiaeth wedi croesawu argymhelliad Comisiwn Silk y dylai Caerdydd a San Steffan gyd-weithio yn fwy.

Yn ôl y Gymdeithas Newid Etholiadol mae blerwch y papurau pleidleisio dwyieithog yn dangos nad yw pob rhan o Lywodraeth Prydain wedi “dal fyny gyda datganoli” a bod angen mwy o drafod rhwng y ddwy lywodraeth.

Dywed Steve Brooks, Cyfarwyddwr Cymdeithas Newid Etholiadol Cymru, fod angen hefyd ail-ystyried nifer Aelodau’r Cynulliad er mwyn medru craffu deddfau yn ddigonol.

“Yng Nghymru, o’r 60 Aelod Cynulliad mae 11 yn weinidogion llywodraeth a dau yn llywyddu busnes y Cynulliad. Golyga hyn mai dim ond 47 AC sydd gennym er mwyn craffu ar sut mae trethi yn cael eu codi, arian cyhoeddus yn cael ei wario, a deddfau yn cael eu gwneud.

“Yn yr Alban mae 105 o seneddwyr yn herio llywodraeth Salmond.”

Mae’r Gymdeithas Newid Etholiadol yn galw ar ail ran Comisiwn Silk i ystyried maint a strwythur y Cynulliad Cenedlaethol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019