Gweindiog ac ymgyrchydd adnabyddus yn marw

 


Capel Bethel, Sgeti
Mae’r Parchedig Sion Alun, gweinidog Capel Bethel yn Sgeti, Abertawe wedi marw yn dilyn salwch hir.

Roedd y Parchedig Sion Alun yn weinidog y capel am bron i chwarter canrif.

Bu’n flaenllaw ym myd addysg Gymraeg yn Abertawe, lle bu’n gadeirydd Rhieni dros Addysg Gymraeg, yn gadeirydd corff llywodraethu Ysgol Gymraeg Bryn-y-Môr, ac yn is-gadeirydd corff llywodraethu Ysgol Gymraeg Llwynderw.

Bu’n amlwg o’i ddyddiau cynnar ym maes llefaru a siarad cyhoeddus yn eisteddfodau’r Urdd a’r Genedlaethol.

Yn gystadleuydd brwd yn y Sioe Amaethyddol Frenhinol, cipiodd brif wobr yr adran Ffwr a Phlu am y tro cyntaf eleni.

Dywedodd Heini Gruffudd, pennaeth ymchwil RhAG wrth BBC Cymru: “Roedd Sion Alun yn driw iawn dros addysg Gymraeg ac yn rhan o’r frwydr yn Abertawe yn ystod cyfnod anodd.

“Ei gariad mawr oedd cadw ieir ac roedd ganddo fe nifer o gyfeillion yn cynnwys rhai o’r Iseldiroedd a’r Alban oedd yn cymharu ieir.

“Roedd e’n ddyn ei filltir sgwâr ac roedd ganddo gyfoeth o straeon o fywyd cefn gwlad ardal Abertawe.”

Mae’n gadael gweddw, Catrin, a dau fab, Steffan a Gwydion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed