Cyfeillion y Ddaear yn mynegi pryder am orsaf bŵer newydd

 


Gorsaf Bwer Penfro
Mae Cyfeillion y Ddaear wedi dweud y gallai gorsaf bŵer sy’n agor heddiw yn Sir Benfro niweidio bywyd y môr.

Mae Gorsaf Bŵer Penfro yn defnyddio dŵr o’r Cleddau fel oerydd ac yn ei roi yn ôl ar dymheredd uwch.

Mae’r ymgyrchwyr amgylcheddol hefyd wedi dweud bod technoleg yr orsaf yn is na’r safon sy’n ddisgwyliedig ar gyfer gorsaf o’r fath.

Mae swyddfa Comisiwn Ewrop eisoes wedi cadarnhau eu bod nhw wedi derbyn cwyn am y safle.

Ond mae’r Swyddfa Gymreig a Llywodraeth Cymru wedi dweud bod y safle a’r dechnoleg yn foddhaol.

‘Effeithlonrwydd ynni’

Bydd Dirprwy Ysgrifennydd Cymru, Stephen Crabb yn bresennol yn agoriad swyddogol y safle heddiw ac mae e wedi dweud y bydd yr orsaf yn creu cenhedlaeth newydd o effeithlonrwydd ynni.

Hwn fydd ei ymweliad swyddogol cyntaf yn rhinwedd ei swydd newydd.

Mae disgwyl i’r safle gyfrannu £1 biliwn i economi ynni’r DU, ac fe fydd yn cynhyrchu digon o ynni ar gyfer 3.5 miliwn o gartrefi.

Cafodd 100 o swyddi eu creu wrth i’r orsaf agor.

Dywedodd Stephen Crabb: “Fel rhywun sy’n byw yn Sir Benfro ac fel Aelod Seneddol, rwy wedi bod yn ddigon ffodus i weld drosof fi fy hun sut y mae’r cydweithio cryf rhwng RWE npower, busnesau lleol a’r gymuned ehangach wedi ein harwain i’r lle rydym ni heddiw. Rwy wrth fy modd cael bod yma i weld yr holl waith caled yn dwyn ffrwyth.

“Ar ben y swyddi tymor hir y bydd y cyfleuster penigamp hwn yn eu creu, bydd hefyd yn chwarae rhan arwyddocaol yn y broses o hyrwyddo datblygiad economaidd ehangach y gymuned leol – a Chymru gyfan – am genedlaethau i ddod.

“Does gen i ddim amheuaeth y bydd Gorsaf Bŵer Penfro yn chwarae rhan bwysig yn y broses o gynnal cyflenwad ynni’r DU ar gyfer y dyfodol, ac yn gwneud ei chyfraniad ei hun i greu ffyniant economaidd i Gymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones