RSS

Golwg360

MwyCau 

Cofeb Gwynfor: ‘pa le gwell na Chaerfyrddin?’

Medi 3, 2012 17:44


Garn Goch
Mae trefnwyr cronfa i godi cofeb i Gwynfor Evans wedi dweud mai’r bwriad yw codi’r gofeb erbyn hanner canmlwyddiant is-etholiad Caerfyrddin yn 2016.

Roedd canmlwyddiant geni Aelod Seneddol cyntaf Plaid Cymru ddydd Sadwrn diwethaf ac ymgasglodd torf i nodi’r dyddiad wrth garreg goffa Gwynfor Evans ar y Garn Goch uwchben Dyffryn Tywi.

Cafodd cronfa’r gofeb ei lansio yno, a dywed Peter Hughes Griffiths, a fu’n asiant i Gwynfor Evans, mai tref Caerfyrddin yw’r lleoliad delfrydol.

“Mae cofeb i Lloyd George yng Nghaernarfon ac i Aneurin Bevan yng Nghaerdydd.  Pa le gwell i godi’r gofeb  i Gwynfor nag yng Nghaerfyrddin, fel y gallwn ni a’r cenedlaethau a ddaw ryfeddu at un o eneidiau mawr ein cenedl,” meddai Peter Hughes Griffiths.

Cafodd Gwynfor Evans ei eni ar Fedi 1, 1912 yn y Barri, a’i fagu yn y dref, ond treuliodd y rhan fwyaf o’i oes yn Sir Gaerfyrddin a bu’n Aelod Seneddol dros y sir yn dilyn is-etholiad 1966, ac eto yn dilyn etholiad yn 1974.

Dywedodd Alun Lenny, cynghorydd Plaid Cymru yn nhref Caerfyrddin ac aelod o Ymddiriedolaeth Cofeb Gwynfor, mai “tuedd y Cymry yw cofio’r brwydrau a gollwyd a’r tywysogion a laddwyd.”

“Ond dyma gyfle i ni godi cofeb i ŵr a’n harweiniodd i sawl buddugoliaeth genedlaethol,” meddai.

Mae gan dref Caerfyrddin amryw o gofebau amlwg sy’n cofio rhyfeloedd megis y Boer a’r Crimea, a chadfridogion yr Ymerodraeth Brydeinig megis Nott a Picton. Fe fyddai gosod cofeb yn y dre i heddychwr o genedlaetholwr felly’n mynd yn groes i’r arfer a fu.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.