Ffermwyr a phroseswyr yn dod i gytundeb dros brisiau llaeth

Diweddarwyd am  


Mae cynrychiolwyr ffermwyr llaeth Prydain wedi dod i gytundeb ar gôd ymddygiad gwirfoddol gyda phroseswyr llaeth.

Mae disgwyl i fanylion y cytundeb gael eu cyhoeddi yfory ar ôl misoedd o drafod rhwng undebau a chwmnïau sy’n prynu ac yn prosesu’r llaeth.

Daeth y ddwy garfan i gytundeb yn anffurfiol yn ystod y Sioe Frenhinol yn Llanelwedd ym mis Gorffennaf a buont yn trafod manylion y cytundeb drafft dros yr haf.

Mae’r gostyngiad eleni mewn prisiau llaeth a phrotestiadau gan ffermwyr y tu allan i ffatrïoedd yn Lloegr wedi cynyddu’r pwysau am gytundeb. Mae undebau amaeth wedi bod yn dadlau ei bod hi’n costio mwy i rai ffermwyr gynhyrchu llaeth nag y maen nhw’n ei gael am ei werthu.

Mae’n debyg bod y côd ymddygiad yn cynnwys rhoi hawl i ffermwyr adael cytundeb gyda phrosesydd llaeth os yw’r prisiau yn newid yn groes i’w hewyllys a bod y ffermwr yn rhoi tri mis o rybudd.

Rhaid i ffermwyr hefyd gael rhybudd o 30 diwrnod os yw pris am newid, dan y cytundeb newydd.

‘Arf’

Dywedodd Dai Davies, Cadeirydd Pwyllgor Llaeth Undeb Amaethwyr Cymru, y bydd y cytundeb yn “ei gwneud hi’n haws i’r ffermwyr.”

“Dy’n ni ddim wedi derbyn prisiau teg am ein llaeth ers rhai blynyddoedd a mae’r cytundeb yn un o’r arfau y medrwn ni ddefnyddio i sicrhau ein bod ni’n cael prisiau teg,” meddai Dai Davies wrth Golwg360.

Ond rhybuddiodd na fydd y cytundeb yn cynnig ateb i holl heriau’r sector llaeth, a bod angen i ffermwyr gydweithio mwy os ydyn nhw am ffynnu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones