Herio deddf newydd yn erbyn sgwatwyr

 


Llanidloes, Powys (firstjaytee CCA 2.0)
Mae mam i bedwar o blant o Bowys yn bwriadu cymryd camau cyfreithiol i herio’r ddeddfwriaeth newydd yn erbyn sgwatwyr.

Mae Irene Gardiner wedi byw yn ei bwthyn ym mhentref Newchapel ger Llanidloes fel sgwatiwr ers 11 mlynedd.

Fe allai’r wraig 49 oed, sy’n rhannu’r tŷ gyda’i dau blentyn ieuengaf Hazel, 15 a Sol, 13, gael ei herlyn o ganlyniad i newid yn y gyfraith a ddaeth i rym heddiw.

O dan Ddeddf Cymorth Cyfreithiol Dedfrydu a Chosbi Troseddwyr 2012, gallai pobl sy’n parhau i sgwatio mewn eiddo wynebu dirwy o £5,000 neu hyd yn oed garchar.

Dywed Irene Gardiner fod y newidiadau’n annheg, gan ei bod hi wedi talu treth cyngor ers symud yno. A dywed cyfreithwyr sy’n gweithredu ar ran y weithwraig siop elusen eu bod nhw’n credu y byddai unrhyw gamau sy’n cael eu cymryd yn ei herbyn yn groes i’r Ddeddf Hawliau Dynol.

Dywed Ugo Hayter, un o’r cyfreithwyr sy’n gweithredu ar ran Irene Gardiner, y gallai costau’r ddeddf newydd fod cymaint â £790 miliwn, wrth i arian trethdalwyr gael ei wario ar brosesu sgwatwyr trwy’r llysoedd a chynghorau’n gorfod ailgartrefu pobl a gaiff eu troi allan.

“Bydd y ddeddwriaeth hon yn effeithio ar y bobl fwyaf bregus mewn cymdeithas, ac fe fydd yn faich pellach ar wasanaethau cyhoeddus,” meddai.

“Mae deddf droseddol a sifil yn bod eisoes sy’n galluogi perchnogion eiddo i roi sgwatwyr allan yn gyflym, a fydd perchnogion tai ddim yn cael eu diogelu’n fwy gan y ddeddfwriaeth yma. Y cyfan y bydd yn ei wneud fydd troi’r digartre’n droseddwyr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones