Canslo Rasys Tregaron

 


Rasys Tregaron
Oherwydd rhagolygon anffafriol a disgwyl tywydd garw, mae Rasys Tregaron wedi’i ohirio am eleni.

Ni fydd unrhyw rasio yn digwydd ar y dydd Gwener, ac yn hytrach, bydd dau ddiwrnod o rasio yn digwydd yn Nhair Gwaith ar y dydd Sadwrn a’r Sul – 25 a 26 Awst.

“O ganlyniad i’r amodau tywydd difrifol, yn anffodus mae Clwb Trotian Tregaron wedi gorfod canslo eu rasys a oedd i’w cynnal ar benwythnos gŵyl y banc,” meddai Clwb Trotian Tregaron mewn datganiad.

Fe ddywedon nhw eu bod “yn ymddiheuro am unrhyw anghyfleustra a gan obeithio y medrwch werthfawrogi’r amgylchiadau.”

“Trueni”

Mae gofyn i hyfforddwyr ail enwebu eu ceffylau rhwng nawr a 5yh Ddydd Mercher.

“Y bwriad yw cynnal rhagrasys a ffeinal £1,000 ddydd Sadwrn a rhagrasys a ffeinal £2,000 dydd Sul, yn ogystal â rasys Cyfres Y Ddraig a rasys i’r graddau is,” ychwanegodd y datganiad.

“Gan fod CTT yn awyddus i beidio â chyfaddawdu ar gyfarfod Dyffryn Aman sydd i’w gynnal Ddydd Llun 27 Awst, mi fydd enwebiadau Tregaron yn gyfyngedig i geffylau oedd wedi enwebu i Dregaron yn flaenorol.”

Mewn ymateb i’r newyddion, fe ddywedodd Aelod Cynulliad dros Geredigion, Elin Jones, ar Twitter bod canslo’r rasys yn  “drueni.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones