Llywodraeth Cymru yn codi gwrychyn cenedlaetholwyr Llydaw

Cafodd dyn ei arestio ar ôl i stondin Llywodraeth Cymru yng ngŵyl Geltaidd fawr An Oriant (Lorient) godi gwrychyn cenedlaetholwyr Llydewig.

Roedd gan Lywodraeth Cymru fap o gymunedau yn Llydaw sydd wedi gefeillio gyda threfi yng Nghymru, ond roedd sir Loire Atlantique, sy’n cynnwys prifddinas draddodiadol Llydaw, Naoned (Nantes), wedi ei chynnwys y tu allan i Lydaw ar y map.

Mae Loire Atlantique wedi bod yn rhan o ranbarth Pays de Loire ers y Chwyldro Ffrengig yn 1790 ond mae nifer o Lydawyr yn ystyried ei bod hi’n rhan o ranbarth Llydaw ac mae ymgyrch ers blynyddoedd i ddod â’r sir dan weinyddiaeth rhanbarth Llydaw.

Yn ôl gwefan Lydewig Seizh ceisiodd ymgyrchwyr o fudiad Ailuno Llydaw, oedd â stondin gerllaw un Llywodraeth Cymru, newid y map ddydd Gwener a bu ffrwgwd.

Cafodd dyn o Lydaw ei arestio ar ôl i gynrychiolydd o Gymru wneud cŵyn i’r heddlu, a bore trannoeth cynhaliodd 15 o ymgyrchwyr Llydewig wrthdystiad ar stondin Llywodraeth Cymru.

25 sylw

Dafydd 14 Awst 2012, 11:31

Mae Llywodraeth Cymru yn aml yn codi cywilydd arnaf. Nid fel hyn oedd hi fod……

CGT 14 Awst 2012, 11:34

Buasai’n ddiddorol gwybod pwy oedd y ‘cynrychiolydd o Gymru’. Yn y 70au, ’roedd llawer o gysylltu rhwng Llydaw a Chymru. Yr oedd (mae ?) Aberystwyth wedi efeillio gyda tref o’r enw Saint Brieuc. Beth syddd wedi digwydd i’r holl gysylltiadau yma ? . Yr oedd Llydawyr i’w gweld yn yr Eisteddfod, Alain Stivell yn adnabyddus, a grwpiau fel Mynediad Am Ddim yn teithio Llydaw. By fy chwaer yn Llydaw dwy flynedd ynol, a dywedodd nad oedd y Llydawyr a welodd hi prin yn gwybod am fodolaeth Cymru bellach.

dylanwad 14 Awst 2012, 11:36

Tydi rhywbeth fel hyn ddim yn dychryn rhywun, mae llywodraeth Cymru ond fel pob llywodraeth arall, rhyw weddillion cymdeithas sy’n meddwl eu bod yn gwybod yn well.

Rhys 14 Awst 2012, 11:42

Er fu’r chwyldro ffrengig yn gatalydd am godi cenedl unffurf a chanolig, o’r hyn rwy’n deall ni grewyd rhanbarth Pays de la Loire tan y 1960au, yn dilyn ymgais i hybu Naoned/Nantes fel rhanbarth ddinesig rhanbarthol. Maddeuwch i mi am fy mhedantra.

Ifor Williams 14 Awst 2012, 11:42

Gor – ymateb gan faceless biwrocrats Carwyn fel wedws Brendan Behan – ” I have never seen a situation so dismal were calling the police could’nt make it worse’.

Ken 14 Awst 2012, 12:09

Ai llywodraeth ‘Vichy’ wnaeth gymeryd ardal Nantes i mewn i barth y Loire ? . Dafydd – yr wyf yn cytuno. Tybiais, yn 1997, y buasai’r llywodaeth wedi ei ffurfio gan wleidyddion a gwesion sifil gyda’r un gweledigaeth a ‘ni’ (h.y. gwladgarwyr). Erbyn nawr , gwelaf mai Prydeinwyr sydd dal i ddal grym, serch eu bod bellach yn gweithio’n Nghaerdydd yn hytrach na Llundain. O son am efeilldrefau – mae Caerdydd wedi ei efeillio gyda Nantes.

Mwlsyn 14 Awst 2012, 12:17

Llywodraeth Naziaidd Vichy newidiodd ffin hanesyddol Llydaw. Bu Naoned yn brifddinas ar Lydaw. Rhyfedd fod y Ffrancwyr – a Llywodraeth Cymru – am gydnabod ffin y Ffasgwyr.

Ifor Williams 14 Awst 2012, 13:03

Angen rhoi David Petersen nol in charge – dyn arbennig iawn sydd wedi cael ei drin fel baw gan Lywodraeth Cymru – fe gadwodd fflam Cymru yn yr Wyl hon am ddegawd a mwy heb geiniog gan neb !

Cwm Rhyd Chwados 14 Awst 2012, 13:16

Llywodraeth Cymru wedi dwyn gwarth arnom. Angen ymddiheuriad llwyr gan y Llywodraeth.

Alwyn Davies 14 Awst 2012, 16:15

Ti’n iawn Jones – mae llywodraethu’n gorfod cydweithio gyda llywodraethau eraill. Er y buasai cenedlaetholwyr Cymru’n cydymdeimlo gyda cenedlaetholwyr Llydaweg, rhaid i lywodraeth Cymru barchu dymuniadau llywodaeth Ffrainc, yn enwedig gan mai ar eu tir hwy oedd y stondin. Ni fuasai unrhyw lywodraeth yn eu iawn bwyll yn codi stondin mewn gwyl rhyngwladol yn Beijng a oedd yn dangos Tibet yn wlad annibynnol, gan fod cwestiynau o fuddsoddiadau ayb yn codi os oes cweryl rhwng dau lywodraeth.
Y peth call i wneud, wrth gwrs, yw cadw’r ddysgyl yn wastad drwy beidio dangos map o gwbl, neu dangos map o Ffrainc nad yw wedi ei rannu i ranbarthau. Y gwir ydi, mae’n siwr, nad oes gan trwch swyddogion llywodraeth Cymru y syniad lleiaf am hanes eu gwlad eu hunain, heb son am wledydd eraill.

Ken 14 Awst 2012, 16:53

Mae arnaf ofn mai nid gwyl gwladgarol yw gwyl Lorient , ond gwyl fasnachol sy’n cael tomen o arian cyhoeddus. Ni ellir ei galw’n Geltaidd, bron, gan eu bod bellach yn gwahaodd ardaloedd gwledydd sydd a nemord ddim cysylltiad Celtaidd i fod yn wahoddedigion yno. Eleni, rhyw ranbarth lled-Ffrangeg o Canada oedd yn cael blaenoriaeth yno. Maent yn rhyw wfftio at Gymru oherwydd bod ein hiaith cyn bwysiced i ni.
Tybiaf ei bod yn wyl wladgarol yn yr un ystyr ac mae gem rygbi yng Nghaerdydd yn wyl ryngwladol. Mae’n sicr gennyf mai cenedlaetholwyr oedd yn bresennol sydd wedi cwyno, yn hytrach na’r trefnwyr ( sy’n osgoi gwleidyddiaeth ar bob cyfrif – cofier am y nawdd canolog enfawr )

david williams 14 Awst 2012, 19:18

dw i’n synnu dim at ymateb llywodraeth cymru – prin yw dealltwriaeth ei swyddogion o gymru heb sôn am lefydd exotic fel llydaw!

irfon 14 Awst 2012, 20:19

@CGT- yn synnu ’nad oedd y Llydawyr…yn gwybod am fodolaeth Cymru bellach’.

Wel am syrpreis. Waeth i ni wynebu’r ffaith ddim mai ryw hen lol ddosbarth canol Cymreig ‘rhyng-gol’ oedd y rwtch ma am ‘gysylltiad brodorol’ rhwng Cymru a Llydaw. Esgus i Deiniol ac Eurgain fedru mynd a’r garafan drosodd a smalio fod pawb yn gneud ffys am eu bod yn chwarae’r delyn a fod y Cortina yn llawn o gasets Allain Stivell. Y gwir amdani ydi fod pobol yn byw ei bywydau bob dydd gan anwybyddu’r fath ramantiaith. Doedd y consept wag yma o ryw ‘Lydaw Geltaidd’ yn golygu dim byd i mi. Nag i mam. Nag i fy nhaid. A wyddoch chi be? Does neb wedi clywad amdana ni am ein bod ni rhy obsessd hefo ‘ein diwylliant’ a siarad hefo ni’n hunain. Da ni’n bobol reit ddiflas ychi. Dyna yda ein trychineb cenedlaethol. Just sayin’.

irfon 14 Awst 2012, 22:23

Diolch i chi Jones. Ond beth am y wlad sy’n agosach fyth? Anodd i rai yma wynebu’r ffaith ondmae ganddo ni fwy mewn cyffredin a ‘nhw’ na sgyno ni a Chata-blydi-lonia.

Jones 15 Awst 2012, 00:10

O cytuno Irfon, o ni ddim ond yn son am y gwledydd Celtaidd. Ac o heini i gyd- yr Iwerddon yw mwyaf pwysig i ni.

Er bod Lloegr wedi creu lot fawr o broblemau i ni yng Nghymru. Rhaid i ni nawr neu os da nin annibynnol weithio yn agos gyda Lloegr.
– ysbytai dros y ffin
– lonydd a rheilffyrdd o gog i de yn mynd trwy loegr
– ac yn fwy pwysig: un o marchnadoedd mwyaf (ac fwyaf cyfoethog) Ewrop.

Dwi’n anghytuno gyda dy bwynt di am Patganonia. A dwin temilo bod linc YN bwysig yno. Mae De America nawr yn le pwysig i busnesau- felly mae cael linc i un wlad yma yn bwysig (fel mae’r UDA yn bwysig ir Iwerddon).

Ac yn fwy pwysig- mae’r Ariannin yn gwybod ac yn parchu y linc yma. Oherwydd dwin cofio gweld Newsnight ac ryw Ambassador Ariannin arno – a nath y hi son am y Falklands, ond yna deud “you don’t see the Welsh claiming Patagonia”. Yn amlwg doedd Paxman ddim yn dalld y pwynt. Ond o leiaf mae cynrychiolwyr y Llywodraeth yn y wlad yn gwybod am dan y linc. A i mi mae hynny yn bwysig (er fysa fo llawer gwell petai Patagonia wedi ei leoli yn Brasil, Tsina neu India!).

Neilyn 15 Awst 2012, 07:52

Dwi’n cofio’n glir gweld map cardfwrdd mawr lliwgar yn siop ffenast y British Tourist Authority nol yn yr wythdegau hwyr yn Bergen, Norwy. Arno roedd y gwledydd England a Scotland yn ymddangos yn glir, a’r gair England wedi ei argraffu ar draws Cymru a Lloegr. Nid oedd y gair Wales yn ymddangos ar y map o gwbwl. Heb air o gelwydd. Bu bron imi daflu bricsen drwy’r ffenast. Mi faswn wedi cwyno ond roedd hi’n bnawn Sul a’r lle ar gau.

Oes, mae’n rhaid peidio a throi at drais, ond i chi gofio cymaint o elyniaeth sydd at ein gwlad a’n hunaniaeth ymysg rhai pwerus iawn yn Llundain.

irfon 15 Awst 2012, 08:26

Neilyn, dwi ddim yn coelio am eiliad y syniad rhamantus yma fod na ryw *gonspiracy* mawr yn *Llundain* i gael *gwarad* o ddiwyliiant Cymru. Mae gan llywodraethau’r dydd a’r asiantau diogelwch bethau lot pwysicach i’w wneud na sathru Cerdd Dant i’r pridd. A beth bynnag, tydi nhw ddim yn ymwybodol fod na *ddiwylliant* yng Nghymru eniwe. ( A cofia, fel arfar, mae’r llywodraethau mor ‘incompetent’ fasa nhw’n methu beth bynnag )
Mor bellad a mae Patagonia yn y cwestiwn yn anffodus Jones mae rhaid i mi anghytuno a thi. Dwi’n gweld hyn fel ryw hen ffantasi ddosbarth canol Cymreig hefyd sy’n golygu fawr ddim i neb tu allan i rheini wnaeth astudio Cymraeg yn Aber yn ystod y 60au ac, efallai, adran gomisiynnu S4C gan ei fod o’n cynnig freebie mewn awyren. A be mae Patagonia ddeud am ein cymeriad cenedlaethol? Mae’r Almaenwyr, yr Iseldirwyr a’r Saeson yn symud i Manhattan ac yn sefydlu un o ddinasoedd mwya gogoneddus a phwerus y byd. Da ni’n dewis twll tin rhyw ddiffiethwch yn Argentina ac yn adeiladu capal. Os faswn i’n coelio mewn annibyniaeth faswn i’n poeni.

Cwm Rhyd Chwados 15 Awst 2012, 13:39

Irfon, ma dy gasineb at dy wlad dy hun, ei diwylliant a’i hiaith yn arbenning. Ti wedi fy mherswadio, o hyn mlan, I’ll be speaking only English, Her Royal Highness the Queen’s English, giving up my heritage and traditions, doing only those things which my superiors over the border does rather than keep doing those fooloish old fashioned things that the backward Welsh sub-pople do. Then I can proudly proclaim that I’m from Wales, a backward county in west England.

irfon 15 Awst 2012, 13:44

Good work Guto old chap. Carry on.

Neilyn 15 Awst 2012, 14:10

Irfon,

Dwi’n deallt dy bwynt di, ac yn cytuno i ryw raddau, ond er hynny nid drwy anwybyddu Cymru yn bwrpasol (ar fapiau o Ynys Prydain neu fel arall) y mae hybu’r wlad a thyfu’r economi – dyna’r ffordd o ddinistro cenedl.

irfon 15 Awst 2012, 14:50

@Neilyn- yn sicir ar lot o hen fapiau mae Cymru ar goll ond ’dwi’n meddwl fod pethau wedi newid erbyn hyn. Ond os yda ni am gael cydnabyddiaeth mae rhaid i ni estyn allan mwy i’r byd mawr yn lle cilio draw a bod mor amddiffynol am bob dim. Rhaid stopio lladd ar bobol fel Gruff Rhys am ganu yn Saesneg oherwydd mae’r Super Furries a’i tebyg wedi codi ymwybyddiaeth y byd am Gymru lot mwy na llond tent o brifeirdd. A plis- mae rhaid i ni roi’r gora i ddychmygu ein bod ni yn rhan o ryw ‘frodoriaeth Geltaidd’ oherwydd tyda ni ddim. Mor bellad a dwi’n gweld petha ( ac efalla wir mod i braidd yn ddall ar adegau ) tydi’r ‘Cymry Cyffredin’ ddim yn malio dim am Lydaw na Phatagonia- y cyfan mae nhw’n wneud ydi byw eu bywydau bob dydd yn y ffordd orau bosib. Rwbath ‘dosbarth canol Welsher-than-thou’ ydi’r busnas *brwydro* yma. I lot o bobol Cymru mae na frwydrau mwy real yn eu gwynebu bob dydd na bil trydan uniaith Saesneg. Dyna dwi’n gasau- nid Cymru- jyst rhai o’r liwnatic ffrinj sy’n meddwl mai nhw sydd biau’r diwylliant a’r wlad ac fod pawb sydd ddim yn disgyn i mewn i’r *weledigaeth* yn *fradwr*.

As you were gentlemen.

irfon 15 Awst 2012, 15:54

Oh, and ladies…

Neilyn 15 Awst 2012, 19:28

Sylwadau digon teg Irfon, pawb a’i farn. Yn sicr, rhywbeth ymylol i lawer o’r Cymry dwi’m yn ama ydi beirdd yr oesoedd canol, a beirdd yr oes fodern hefyd! Ond, er hynny, diolch byth am barhad y traddodiad hyfryd yma fel sylfaen i bob dim sydd wedi dod yn ei sgil. Wedi’r cyfan, heb wreiddiau mae’r goeden yn marw. Pwy sy’n lladd ar Beowulf a William Shakespeare?

Cytuno am Gruff Rhys a’r Furries hefyd, ond paid a colli golwg ar mor lwyddianus y bu Mwng! Ac os na fydd y degfed albym yn yr iaith Gymraeg, mi fyddai’n siomedig.

Cydbwysedd sydd ei angen.

Mwlsyn 15 Awst 2012, 20:50

Ti’n iawn Irfon. Beth am anghofio am rwtch dosbarth canol fel Llydaw. Tra ’da ni wrthi, anghofio am nonsens dosbarth canol fel becso am y Trydydd Byd. Neu hen stwff y chatterati – yr hinsawdd. Neu gorboblogi. Neu llygredd o carbon diocside. Neu dwr brwnt yn niweidio pobl. Neu hawliau menywod dramor. Neu hawliau hoywon yn Zimbabwe (phnar phnar, eh?). Neu poenydio yn Bahrain. Neu sensoriaeth yn Rwsia. Neu llywodraeth Sbaen ‘ddemocrataidd’ yn gwrthod gadael i Catalwnia neu Gwlad y Basg yr hawl i gynnal refferendwm ar annibyniaeth. Neu polisiau yr Ewro. Neu etholiad America. Neu yr hen dosbarth canol yn malu hi am HIV yn De Affrica.

Actually. Beth am anghofio am y Gymraeg? Beth am geisio peidio cynnal diwylliant tu cefn i’r iaith a jyst canolbwyntio ar beth sy’n bwysig i Loegr neu’r lowest common denominator. Actually, eto, beth am jyst cael storis a diwylliant sy’n seiliedig ar y lowest common denominator yn golwg360 – bydd loads o bobl gyffredin yn darllen e wedyn, eh?

Ti’n iawn. Polisi newyddiadurol newydd. Os nad yw ‘bobl gyffredin’ yn ei hoffi/deall/diddordeb yna saethwch y stori (sdim ots mai peth dosbarth canol oedd addysg Gymraeg, neu gwrth-apartheid, sdim angen newid trafodaeth neu addysgu neu jyst dadlau. Na, jyst dim trafodaeth o gwbl. Roedd Stalin yn iawn, rhyw dileit dosbarth canol Cymraeg ’di’r stwff ’ma i gyd. Blydi running dogs of the beorgois intellectuals.

Ti’n gwybod. Dwi ddim yn ffarmwr, felly, pa ots am y Royal Welsh. Dim ond 2% o’r boblogaeth sy’n ffarmio – blydi minority. Oh, a dwi’n casau Jazz hefyd. Wast o arian dosbarth canol. Gallwn i adeiladu sawl ysbyty gyda’r arian hynny. Dwi’n byw yn y De, pa ddiawl o ots sgen i am unrhyw beth i’r gogledd o Ferthyr. Actually, yr unig beth dwi’n becso amdanno yw cael cariad, arian i wario a bod fy nheulu fi fy hyn yn iawn. Oh, ydy diddordeb yn ffwtbol yn ok? Oh, dwi’n gweld dim ond os mai English Premiere LEaguge yw e ac nid y wast o amser Welsh Premiere yna. Deall yn iawn.

Beth am gael byd mor gul,, mor unlliw, mor ‘pwy sydd wedi clywed am …’, mor ddidawledig o ddiflas fel fod dim pwynt cael y blydi diwylliant na’r iaith yma.

Irfon. Ti’n prat.

Eirwen Haf 21 Rhagfyr 2012, 17:57

Cytuno gyda Irfon. Ma na giwed elitaidd sy’n droedig ac yn gelyniaethu Cymry canol-y-ffordd fel fi.

Mae’r sylwadau wedi cau.

Llywodraeth Cymru yn codi gwrychyn cenedlaetholwyr Llydaw

Arestio un ar ôl ffrwgwd ar stondin Llywodraeth Cymru

Poblogaidd

Swyddi

Swyddog Prosiect Ymbweru Bro (ardal Wrecsam)

Crëwr Cynnwys Digidol

Aelodau Cyngor Celfyddydau Cymru

Tiwtor Cymraeg ar gyfer y Gweithlu Addysg

Rheolwr Aelodaeth

Peiriannydd

Seicolegydd Addysg Cyfrwng Cymraeg

Cydlynydd Corfforaeth Undeb Bedyddwyr Cymru

Swyddog Datblygu

Swyddog Ymchwiliadau

← Stori flaenorol

Egluro dryswch Ffordd Penrhyn yn y Barri

Stori nesaf →

Adroddiad Pontydd Hafren: Galw am atebion

Hefyd →

Lansio gweledigaeth ar gyfer addysg Gymraeg i bawb

25 sylw