Ymgyrchwyr Maldwyn am wrthdystio yn erbyn y Grid Cenedlaethol

Gwrthwynebiad i gynlluniau i leoli gorsaf drydan yng Nghefn Coch

1 Awst 2012

Mae disgwyl gwrthdystiad heddiw y tu allan i Neuadd Dref y Trallwng pan fydd swyddogion o’r Grid Cenedlaethol yn cwrdd â chynghorwyr y dref.

Ddoe cyhoeddodd y Grid Cenedlaethol eu bod nhw wedi dewis lleoli gorsaf drydan yng Nghefn Coch ger Llanfair Caereinion, a fydd yn cyfeirio trydan ar beiolonau trwy ddyffryn Efyrnwy i Loegr.

Mae ymgyrchwyr yn trefnu gwrthdystiad yn y Trallwng o 4 o’r gloch ymlaen tra bydd cynghorwyr y Trallwng yn cwrdd gyda swyddogion y Grid. Mae’r cynghorwyr eisoes wedi lleisio eu gwrthwynebiad i “effeithiau annerbyniol” melinau gwynt a pheilonau ym Maldwyn.

Mewn tystiolaeth i’r Cynulliad y llynedd dywedodd Cyngor Tref y Trallwng fod “effaith y llinell beilon (50m o uchder), yr orsaf drydan (maint 20 cae pêl-droed) a’r ffermydd gwynt y tu hwnt i’r hyn y dylai unrhyw gymuned ei ddioddef mewn ardal ddinesig, heb sôn am ardal wledig.”

Neithiwr roedd rhai cannoedd o brotestwyr wedi dod ynghyd yng Nghefn Coch er mwyn lleisio eu gwrthwynebiad i’r cyhoeddiad mai yno fydd yr orsaf drydan.

Mae Cyngor Cefn Gwlad Cymru wedi dweud eu bod nhw’n” siomedig iawn” nad yw’r Grid Cenedlaethol yn ymrwymo i ddefnyddio ceblau tanddaearol i gludo’r trydan trwy Bowys, a’u bod nhw wedi eu synnu fod Cefn Coch wedi ei ddewis fel lleoliad ar gyfer yr orsaf yn hytrach nag Abermiwl, sy’n nes at y Grid yn Lloegr.

Poblogaidd

Swyddi

Yr Eglwys yng Nghymru

Cyfarwyddwr Astudiaethau Caplaniaeth

Ombwdsmon Cymru

Swyddog Arweiniol Data

Golwg Cyf

Swyddog Prosiect Ymbweru Bro (ardal Wrecsam)

Menter a Busnes

Crëwr Cynnwys Digidol

Llywodraeth Cymru

Aelodau Cyngor Celfyddydau Cymru

Prifysgol Bangor

Tiwtor Cymraeg ar gyfer y Gweithlu Addysg

Cymdeithas Cyfieithwyr Cymru

Rheolwr Aelodaeth

Tinopolis

Peiriannydd

Cyngor Bwrdeistref Sirol Merthyr Tudful

Seicolegydd Addysg Cyfrwng Cymraeg

Undeb Bedyddwyr Cymru

Cydlynydd Corfforaeth Undeb Bedyddwyr Cymru

← Stori flaenorol

Rhyngwladol

Rhybudd am “oblygiadau byd eang” i’r cynhesu yn yr Arctig

Mae Siberia wedi profi tymereddau sydd 10C yn gynhesach eleni na’r hyn a fyddai’n arferol

Stori nesaf →

Prydain

Chwaraewyr badminton yn wynebu gwrandawiad disgyblu

Amheuon eu bod wedi colli’r gêm yn fwriadol i geisio dylanwadu ar y sgôr

Hefyd →

Cefn Gwlad

Y cyfnod gwlyb yn “straen ychwanegol dros gyfnod prysuraf y flwyddyn i ffermwyr”

Elin Wyn Owen

Mae sawl ardal yng Nghymru wedi derbyn tua 200% o’r glaw y bydden nhw’n wedi’i ddisgwyl dros y misoedd diwethaf

7 sylw

John Griffith 1 Awst 2012, 08:53

Tryweryn.

Aled Nee 1 Awst 2012, 13:20

John, mae y gymhareb yna yn warthus.

Dafydd 2 Awst 2012, 10:18

Nac ydi Aled? Dwed pam?

Geraint 2 Awst 2012, 14:51

Ar wahan i’r cyd-destun gwleidyddol, nid yw’r weithred o godi melinau gwynt (a dwi’n dallt bod cannoedd ohonynt) am orfodi neb o’u cartrefi – a hynny ar rybudd o dri mis, cau ysgolion, ac ni fydd teuluoedd ychwaith yn gorfod wynebu’r dewis o godi cyrff y meirw o’r mynwentydd er mwyn eu claddu ar dir uwch. I’r ystyr hwnnw, mae’r gymhariaeth yn gwbwl amhriodol.

Er dwi’n cydymdeimlo’n fawr gyda thrigolion Powys, dwi’n teimlo llawer gwell fyddai i ddadlau pethau o’u safbwynt eu hunain. Siaradais â rhyw hen wr o’r Cymoedd yn ddiweddar a adroddodd ei hanes yn cerdded lawr rhyw stryd yn Nhrefaldwyn rhai misoedd yn ôl. Daeth dynas fyny ato a bron ei fwlio i arwyddo deiseb i wrthod “rheibio a dad-fwyno tirwedd a thirlun y Sir”, ei ymateb yntau oedd “ond ’dych chithau wedi bod yn ddigon parod i ddadfwyno ardaloedd y llechi er mwyn cael to uwch eich pen, yn ddigon parod i ddadfwyno’r Cymoedd a’r gogledd ddwyrain er mwyn cloddio am lo i gynhesu’ch tai, yn ddigon parod i ddadfwyno Trawsfynydd a Sir Fôn gyda gwastraff niwclear er mwyn berwi’r tegell, does posib mae eich tro chi yw hi?”

Dafydd 2 Awst 2012, 17:52

Yn gwmws John. Mae egwyddor y peth wedi mynd dros ben pennau’r rhan fwyaf….yn enwedig os yw nhw o blaid melinau gwynt.

. 11 Awst 2012, 14:14

Ie, ond bydd y trydan yma hefyd yn cael ei ddosbarthu i Gymru fel rhan o’r grid cenedlathol- nid fel Tryweryn lle oedd y dwr oll yn mynd i Lerpwl. Mi fydd Hydro, Niwclear, Gwynt, Solar….oll angen rhyw fath o beilonau i gario y trydan o’r cynhyrchydd i’r grid beth bynnag.

Dwi fy hun yn un o drigolion Maldwyn, ac yn adnabod yr ardal a’i thrigolion fel cefn fy llaw. Ac mi ddywedai i un peth- y mewnfudwyr sydd yn cyfrannu dim i’r gymdeithas ydi’r bobl sydd yn gwynebu’r cynlluniau hyn fwyaf, nhw, ynghyd ar ffermwyr cefnfigenus sydd ddim yn cael y peilonau ar eu tiroedd hwy di’r prif leisiau tu ol i’r dadlau.

Geraint 16 Awst 2012, 16:56

@. clywch clywch

Yn y pen draw, rydym oll yn defnyddio trydan, pob un wan jac ohonom ac mae’r trydan yn gorfod dod o rhywle.

Yr hyn fyddai orau yw defnyddio eu hamser a’u hegni i nid yn unig dadlau yn erbyn, ond hefyd (paratoi am Plan B) dadlau sut all trigolion Maldwyn gael cyfran theg o bres am y cynllun, neu biliau trydan rhatach hyd yn oed.

Mae’r sylwadau wedi cau.