Dod o hyd i gorff dyn oedd ar goll

 


Daethpwyd o hyd i gorff dyn aeth ar goll wyth mis yn ôl mewn coedwig yn Sir Fynwy, meddai’r heddlu.

Dywedodd yr heddlu nad ydyn nhw’n ystyried marwolaeth Richard Hancock, 41, o’r Fenni, yn un amheus. Roedd wedi bod ar goll ers 4 Mehefin y llynedd.

Cafodd yr heddlu wybod am y corff rhwng pentref Llanofer a Chamlas Sir Fynwy a Brycheiniog ddydd Gwener.

Dywedodd y teulu eu bod nhw wedi torri eu calonnau. Daethpwyd o hyd i’r corff ychydig ddyddiau ar ôl marwolaeth tad Richard Hancock, Bernard.

‘Cysur’

“Roedden ni wedi bod yn gobeithio a gweddïo y byddai Richard yn dychwelyd adref yn saff ers iddo fynd ar goll y llynedd,” meddai’r teulu mewn datganiad.

“Mae’r newyddion yn dorcalonnus yn enwedig ar ôl marwolaeth cynnar ei dad Bernard yr wythnos ddiwethaf.

“Gobaith Bernard wrth farw oedd y byddai ei fab yn dod adref, ond ddigwyddodd hynny ddim.

“Yr unig gysur yw eu bod nhw’n awr gyda’i gilydd.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed