Galw am rewi cyflogau penaethiaid prifysgolion

 


Leanne Wood
Mae Aelod Cynulliad wedi galw am rewi cyflogau penaethiaid prifysgolion ar ôl i ffigyrau newydd awgrymu eu bod nhw’n derbyn cyflogau anferth sy’n dal i dyfu er gwaetha’r toriadau llym i’r sector gyhoeddus.

Yn ôl AC Canol De Cymru, Leanne Wood, mae cyflog  Dr David Grant, Is-ganghellor Prifysgol Caerdydd, wedi cynyddu £45,000 ers 2006.

Cafodd ei dalu £245,000 yn 2010, yn ôl y ffigyrau. Mae hynny dros £100,000 yn fwy na’r Prif Weinidog, David Cameron.

Dyblodd ei bensiwn o £19,000 i £38,000 dros yr un cyfnod, yn ôl yr ymchwil.

Roedd saith o staff Prifysgol Caerdydd wedi derbyn cyflogau dros £150,000 yn 2010, a 223 wedi derbyn cyflogau dros £100,000, yn ôl ymchwil Leanne Wood.

Mae cyflogau staff Prifysgol Caerdydd yn cael eu gosod gan bwyllgor annibynnol, meddai’r brifysgol, ac yn debyg i gyflogau prifysgolion eraill yr un maint.

‘Her’

“Mae Llywodraeth San Steffan yn dweud o hyd ein bod ni i gyd yn wynebu’r un her,” meddai Leanne Wood. “Ond dyw’r neges hwnnw yn amlwg ddim wedi cyrraedd y byd academaidd.

“Mae angen adolygiad cynhwysfawr i gyflogau mawr yn y sector gyhoeddus ar fyrder. Dyw hi ddim yn deg bod pobol ar gyflogau llai yn gweld eu safonau byw yn disgyn tra bod cyflogau mawr yn dal i dyfu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer