Nikitta Grender: Rhyddhau delweddau camerâu cylch cyfyng

Diweddarwyd am  


Y delweddau camera cylch cyfyng
Mae ditectifs sy’n ymchwilio i farwolaeth Nikitta Grender eisiau dod o hyd i bedwar person gafodd eu ffilmio gan gamerâu cylch cyfyng ar fore y llofruddiaeth.

Dywedodd yr heddlu eu bod nhw’n credu fod gan y pedwar wybodaeth hanfodol ynglŷn â llofruddiaeth y ferch feichiog.

Daw’r newyddion diweddaraf wrth i lys ynadon ganiatáu 36 awr ychwanegol i’r heddlu gwestiynu dyn gafodd ei arestio ddydd Mercher.

Roedd diffoddwyr tân wedi cael hyd i gorff Nikitta Grender, 19 oed, ar ôl tân yn ei fflat ar ystad Broadmead Park, yn Llyswyry, Casnewydd, am 7.50 fore Sadwrn 5 Chwefror.

Datgelodd yr heddlu nos Sul ei bod hi wedi ei thrywanu a daeth i’r amlwg wedyn ei bod hi wedi marw cyn i’r tân gynnau.

Arestio cyfyrder

Roedd Nikitta Grender a’i chariad Ryan Mayes, 18, wedi symud i mewn i’r fflat chwe mis yn ôl ac wedi addurno ystafell ar gyfer eu merch Kelsey-May.

Arestiodd yr heddlu gyfyrder Ryan Mayes, Carl Whant, 26, ddydd Mercher ar amheuaeth o lofruddio.

Mae’r cyn-filwr, sy’n gweithio yng nghlybiau nos Casnewydd, wedi ei gadw yn y ddalfa heddiw.

Daw ei arestiad ar ôl i’r heddlu ddod o hyd i ddwy gyllell wrth chwilio ystad Broadmead Park. Mae’r ddau wedi eu hanfon am archwiliad fforensig.

Camerâu

Erbyn hyn mae’r heddlu yn credu bod gan bedwar person dystiolaeth hollbwysig ynglŷn â’r llofruddiaeth, ar ôl iddynt gael eu gweld gan gamerâu cylch cyfyng ar y noson.

“Mae swyddogion sy’n ymchwilio i lofruddiaeth Nikitta Grender, 19 oed, eisiau cael gafael ar bedwar person gafodd eu gweld ar gamerâu cylch cyfyng yn ardal Broadmead Park, Moorland Park, a Phontfaen,” meddai llefarydd ar ran yr heddlu.

“Cafodd y pedwar eu gweld yn oriau man y bore ar ddydd Sadwrn, 5 Chwefror, y dydd y daethpwyd o hyd i gorff Nikitta.

“Mae’r heddlu eisiau siarad â nhw rhag ofn fod ganddyn nhw wybodaeth sy’n berthnasol i’r ymchwiliad.”

Mae’r heddlu wedi galw ar y pedwar i gysylltu os ydyn nhw’n adnabod eu hunain yn y delweddau sydd wedi eu rhyddhau gan yr heddlu.

Dylai unrhyw un sydd â gwybodaeth ffonio 01443 865 562 neu Daclo’r Tacle yn ddienw ar 0800 555 111.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed