Diddordeb gwirioneddol yn y Wylfa, medd Cyngor Môn

 


Atomfa'r Wylfa
Mae Arweinydd Cyngor Ynys Môn wedi dweud ei fod yn “llawer mwy optimistaidd” am ddyfodol y Wylfa yn dilyn cyfarfod gydag uwch-swyddogion cwmni niwclear Horizon.

Bu’r Cynghorydd Bryan Owen,  Ieuan Wyn Jones AC ac Albert Owen AS, mewn cyfarfod gyda pherchnogion atomfa’r Wylfa’r wythnos yma a dywed y Cynghorydd Bryan Owen eu bod nhw “wedi cael trafodaeth adeiladol a bod diddordeb gwirioneddol yn Ynni Niwclear Horizon gan fuddsoddwyr newydd.”

Ychwanegodd, “Rwy’n teimlo’n llawer mwy optimistaidd yn dilyn y cyfarfod yma sy’n newyddion da i bobl Ynys Môn a Gogledd Cymru, yn enwedig er mwyn cynnig cyfleoedd gwaith da i’n bobl ifanc a chyfleoedd fusnes i’n cwmnïau lleol.”

Cwmnïau RWEnpower a E-ON Uk sy’n berchen ar y cyd ar Horizon, sef y cwmni sy’n rhedeg atomfa’r Wylfa.

Ddiwedd mis Mawrth fe gyhoeddodd y cwmnïau Almaeneg eu bod nhw’n rhoi’r gorau iddi yn sgil costau cynyddol, ac maen nhw nawr yn gobeithio gwerthu eu prosiect niwclear Horizon sy’n werth tua £16 biliwn.

Mae gwleidyddion wedi bod yn ceisio arbed swyddi a chynlluniau prentisiaeth yn y Wylfa tra bod mudiad PAWB wedi bod yn gwrthwynebu datblygu ail atomfa ac yn tynnu sylw at beryglon ynni niwclear.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019