Awyren o Fôn i Fanaw unwaith eto

 


Mae’r cwmni sy’n darparu’r cyswllt awyren rhwng Ynys Môn a Chaerdydd wedi cyhoeddi y bydd modd hedfan o Ynys Môn i Ynys Manaw yr haf yma.

Dyma’r ail flwyddyn yn olynol y mae cwmni Manx2 wedi darparu’r gwasanaeth, ar ôl derbyn “adborth da iawn” y llynedd.

Dywedodd cadeirydd y cwmni, Noel Hayes, ei fod “wrth ei fodd” y byddai’r gwasanaeth yn rhedeg eto am dri mis yn ystod yr haf.

Bydd yr awyren yn hedfan dwywaith yr wythnos, bob dydd Llun a Gwener, o 1 Mehefin ymlaen. Bydd taith ychwanegol ar ddydd Mercher o 22 Gorffennaf ymlaen.

Daw’r gwasanaeth i ben ar 5 Medi.

Mae gan y cwmni gytundeb pedair blynedd i hedfan teithwyr rhwng Ynys Môn a Chaerdydd.

Dywedodd Aelod Cynulliad Ynys Môn, Ieuan Wyn Jones, bod y cyhoeddiad yn newyddion da i dwristiaeth yng ngogledd Cymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones