Cyngor Powys yn trafod ceisiadau ffermydd gwynt

Diweddarwyd am  


Mae Cyngor Sir Powys heddiw’n cynnal cyfarfod i drafod dau gais ar gyfer ffermydd gwynt, a chymaint yw’r diddordeb cyhoeddus fel bod y cyfarfodydd yn cael eu darlledu’n fyw ar y we.

Mae’r cyngor llawn a’r cabinet yn trafod ceisiadau ar gyfer fferm wynt yng Ngharnedd Wen ger Llanbrynmair, ac i’r gogledd o bentref Llanbadarn Fynydd.

Dywedodd Arweinydd Cyngor Powys, y Cynghorydd Michael Jones: “Mae ychydig o seddau cyhoeddus yn y siambr ac rydym yn sefydlu ystafell ychwanegol i aelodau’r cyhoedd.

“Fodd bynnag, prin iawn yw’r lle a bydd mynediad trwy docyn yn unig. Roeddem yn teimlo mai’r ffordd orau o sicrhau fod cymaint o bobl ag sy’n bosibl yn gallu clywed a gweld y drafodaeth oedd creu gweddarllediad o’r trafodaethau.”

Mae cais i godi 50 o dyrbeini yng Ngharnedd Wen a 17 o dyrbeini yn Llanbadarn Fynydd, ac mae nifer o drigolion lleol wedi ymateb yn ffyrnig i’r ceisiadau. Yn ddiweddar darlledwyd cyfres fer ar S4C yn dilyn ymgyrchwyr yn erbyn ffermydd gwynt yng ngogledd Powys.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019