Cafodd y gwasanaethau brys eu galw i dân yn archfarchnad Asda yn Llanelli neithiwr.
Cafodd Gwasanaeth Tân ac Achub Canolbarth a Gorllewin Cymru eu galw i’r archfarchnad yn Stryd Murray am 8.17pm nos Fercher.
Roedd saith injan dân ar y safle neithiwr ond fe lwyddodd y diffoddwyr tan i ddod a’r fflamau dan reolaeth.
“Roedd llawer o fwg yn y lleoliad, yn hytrach na thân mawr,” dywedodd llefarydd ar ran Gwasanaeth Tân ac Achub Canolbarth a Gorllewin Cymru heddiw.
Roedd un injan dân wedi aros ar y safle dros nos, ac fe fydd ymchwiliad i achos y tân yn cychwyn bore ma.
