Condemnio Llywodraeth Prydain tros swyddfa basports

Diweddarwyd am  


Y r AS lleol, Paul Flynn, mewn protest gyda gweithwyr y swyddfa basport
Fe ddylai’r Llywodraeth yn Llundain ail feddwl am eu penderfyniad i gau Swyddfa Basports Casnewydd, meddai’r Pwyllgor Dethol Cymreig.

Yn ôl adroddiad y Pwyllgor, doedd y Llywodraeth yn Llundain ddim wedi deall yn iawn beth oedd oblygiadau’r penderfyniad ac roedd hi’n “rhyfeddol” nad oedden nhw wedi asesu effaith economaidd y cau.

Roedd yna amheuon pa mor drylwyr oedd y broses benderfynu, meddai Cadeirydd y Pwyllgor, AS Ceidwadol Mynwy, David Davies. O ganlyniad, roedd amheuon am y rhesymau tros y cau.

Fe gafodd y cyfnod ymgynghori ynglŷn â’r cau ei ymestyn ac, yn ôl y Pwyllgor, roedd hynny ynddo’i hun yn arwydd o ddiffyg strategaeth.

Yn yr haf y cyhoeddodd Llywodraeth Prydain ei bod am gau’r rhan fwya’ o’r swyddfa, sy’n cyflogi 300 o bobol, er eu bod yn mynnu y bydd lefel y gwasanaeth yn cael ei gynnal.

Costio i’r economi

Mae Cyngor Dinas Casnewydd hefyd wedi cyhoeddi adroddiad, yn dangos y bydd economi’r ardal yn costio £11 miliwn y flwyddyn i economi’r ardal.

Mae undeb gweision sifil y PCS hefyd wedi galw am newid y penderfyniad, gan ddweud y bydd y cau’n cael “effaith anferth” ar y ddinas a’r gymuned leol.

“Bydd rhwygo’r ail gyflogwr mwya’ o ganol y ddinas yn cael canlyniadau enfawr i ardal sydd eisoes wedi diodde’n sylweddol.”

Llun: Y r AS lleol, Paul Flynn, mewn protest gyda gweithwyr y swyddfa

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones