Bachgen ifanc mewn cyflwr difrifol ar ôl damwain car

 


Mae bachgen yn ei arddegau yn parhau mewn cyflwr difrifol ar ôl damwain car yn Neganwy dros y penwythnos.

Mae’r bachgen lleol yn cael ei drin am anafiadau difrifol “sy’n peryglu ei fywyd,” yn ôl Heddlu’r Gogledd.

Cafodd y bachgen ei anafu yn dilyn gwrthdrawiad rhwng car Rover MGZ a Mitsubishi Shogun yn oriau mân fore dydd Sadwrn.

Roedd y Mitsubishi  Shogun yn llonydd pan pan gafodd ei daro gan y cerbyd arall ar Vardre Avenue am 12.27am.

Cafodd y bachgen ei gludo i Ysbyty Glan Clwyd ym Modelwyddan ond cafodd ei drosglwyddo i Ysbyty Alder Hay, Lerpwl, yn ddiweddarach.

Cafodd dau o’r teithwyr eraill yn y Rover MGZ driniaeth am fân anafiadau wedi’r digwyddiad.

Mae’r heddlu bellach wedi arestio dau berson ifanc lleol yn ymwneud â’r digwyddiad. Mae’r ddau wedi cael eu rhyddhau ar fechniaeth yr heddlu am y tro, tra bod yr ymchwiliad yn parhau.

Mae’r heddlu yn gofyn i unrhyw un sydd â gwybodaeth am y digwyddiad i ffonio Sarjant Ifan Jones yn Heddlu’r Gogledd ar 101.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd