Coedwigoedd Cymru – dim preifateiddio

Diweddarwyd  


Elin Jones
Mae’r Gweinidog tros Faterion Gwledig wedi amddiffyn ei phenderfyniad i beidio â phreifateiddio coedwigoedd Cymru.

Yn wahanol i Loegr, fydd eiddo’r Comisiwn Coedwigaeth yng Nghymru ddim yn cael ei werthu ac mae Elin Jones yn dweud ei bod hi eisiau gweld y wlad yn elwa yn y tymor hir.

Fe fydd yn cyhoeddi heddiw y bydd y rhan fwya’ o’r coedwigoedd yn aros mewn dwylo cyhoeddus ond fe fydd yn gofyn i’r Comisiwn Coedwigaeth wneud rhagor i ddefnyddio’r tir at bwrpasau masnachol, er enghraifft gydag ynni gwynt a dŵr.

Ennill yn y tymor hir

“Fe fyddai ennill tymor byr (o werthu) ond mae budd economaidd llawer mwy i bobol Cymru yn y tymor hir,” meddai Elin Jones wrth Radio Wales.

“Dyw ennill economaidd tymor byr ddim yn flaenoriaeth i lywodraeth gyfrifol ,” meddai, gan bwysleisio fod y coedwigoedd yn golygu mwy na gwerth economaidd – gan gynnwys hamdden.

“Mae yna botensial anferth i gynyddu rheolaeth y tir ar gyfer yr amgylchedd ac ynni adnewyddadwy hefyd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones