Wps! Llafur ‘eisiau beirniadu eu hunain’

Diweddarwyd am  


John Healey
Mae Ysgrifennydd Iechyd yr wrthblaid wedi anfon neges yn galw ar ASau Llafur yng Nghymru i feirniadu’r toriadau yng nghyllideb iechyd y wlad – heb sylweddoli mai Llafur sydd mewn pŵer yno.

Mae’r Ceidwadwyr yn honni eu bod nhw wedi cael gafael ar lythyr sy’n dangos bod y Blaid Lafur wedi bwriadu ymosod ar eu polisi eu hunain yng Nghymru.

Anfonwyd llythyr gan Ysgrifennydd Iechyd yr wrthblaid, John Healey, yn galw ar Aelodau Seneddol Cymru i ryddhau datganiadau i’r wasg yn beirniadu’r cynlluniau i dorri’r gyllideb addysg yng Nghymru.

Yn y neges mae’n yn galw ar ASau Cymru i gondemnio’r “diffyg nawdd” a fydd yn “anfon y Gwasanaeth Iechyd Gwladol am yn ôl”.

Mae’r Blaid Lafur mewn pŵer yng Nghymru, ynghyd â Phlaid Cymru, sy’n golygu y byddai’r datganiad i’r wasg wedi beirniadu eu polisi eu hunain.

Dywedodd yr Aelod Cynulliad a Seneddol Alun Cairns, o’r Ceidwadwyr Cymreig, eu bod nhw’n gwrthwynebu cynlluniau’r Blaid Lafur i dorri cyllideb y Gwasanaeth Iechyd Gwladol yng Nghymru.

“Mae’r Ceidwadwyr Cymreig wedi bod yn ymosod ar gynlluniau Llafur ers misoedd,” meddai.

“Mae’n amlwg nad ydi John Healey yn gwybod unrhyw beth am y Gwasanaeth Iechyd Gwladol. Ond mae galw ar wleidyddion i ymosod ar bolisïau ei blaid ei hun yn gamgymeriad mawr hyd yn oed iddo ef.

“Rydyn ni’n croesawu sylwadau John Healey ac yn ei wahodd i ymgyrchu gyda ni yn erbyn toriadau’r Blaid Lafur yng Nghymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones