Deiseb yn galw am sefydlu ysgol uwchradd Gymraeg newydd

 


Fe gafodd deiseb ei chyflwyno yn y senedd ddoe yn gofyn i Lywodraeth Cymru am arian er mwyn sefydlu ysgol uwchradd Gymraeg newydd.

Mae Rheini dros Addysg Gymraeg yn galw am hyn ar ôl gweld cynnydd yn ardal Caerffili yn y nifer sydd eisiau addysg Gymraeg. “Mae yna ysgol wag yn nhre Caerffili sydd wedi bod yn wag am bum mlynedd. Mae’r cyngor lleol yn fodlon codi £10 miliwn sef hanner y gost o ddod â’r adeiladau yna i fyny i safon. Pe bydden ni yn gwneud hyn mi fydde lle gyda ni i’r plant am y blynyddoedd i ddod.

“Os na wnawn nhw hwn a bod yr ysgol yn dirywio bellach a bod rhaid i ni ddymchwel hi, bydd y gost wedyn yn y tymor hir o leiaf dwywaith gymaint â hynny,” meddai Ben Jones cadeirydd sirol RhAG.

Mae’n galw ar Lywodraeth Cymru i roi’r £10m  tuag at y swm gan y cyngor er mwyn adnewyddu yr hen adeiladau ar y safle gan ddweud fod Ysgol Gyfun Cwm Rhymni yn llawn yn barod.

“Dydyn ni ddim eisiau gor-lenwi Ysgol Cwm Rhymni. Mae’n ysgol fawr. Yn barod mae dros  bymtheg cant o blant yno. Beth sydd eisiau yw ail ysgol gyfun erbyn hyn a honna yng Nghaerffili, achos yn y blynyddoedd i ddod bydd agos i gant a hanner o blant yn dod o ysgolion cynradd ardal Caerffili, hynny yw tref Caerffili a’r pentrefi o gwmpas, nid Sir Caerffili nawr. A bydd rheini yn llenwi ysgol gyfun eu hunain.”

Dywed Ben Jones ei bod  yn gyfle rhy dda i golli ac os na fydd yna ysgol newydd yn cael ei sefydlu y gallai’r oblygiadau fod yn ddifrifol.  

“Roedden ni wedi hoelio ein gobeithion ar rhaglen ysgolion unfed ganrif ar hugain. Ond, wrth gwrs, does dim dime goch wedi dod o hynny. Mae’r Gweinidog wedi dweud fod yna ddim yn mynd i fod tan 2014. Wel, a yw’r ysgol yma nawr yn mynd i ddirywio am dair blynedd arall tra bod nhw yn gwastraffu amser yn gwneud ryw ddarpariaeth dros dro? Neu yn waeth byth, dydyn ni ddim eisiau meddwl hyn, bod plant yn cael eu gwrthod lle mewn ysgol Gymraeg. Dyna’r gofid pennaf wrth gwrs.”

Cafodd y ddeiseb ei chyflwyno i’r Pwyllgor Deisebau gyda mil o enwau arni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer