Prif Weinidog Cymru yn agor Canolfan Ynni gwerth £6 miliwn

Diweddarwyd am  


Carwyn Jones
Mae  Prif Weinidog Cymru wedi agor Canolfan Ynni gwerth £6 miliwn ar gampws Coleg Menai ar Ynys Môn heddiw.

Yn y lansiad, fe ddywedodd Prif Weinidog Cymru bod y Ganolfan Ynni yn “rhan bwysig iawn o ddymuniad Ynys Môn i fod yn ‘ynys ynni’:

“Newid yn yr hinsawdd yw un o’r heriau amgylcheddol, economaidd a chymdeithasol mwyaf sy’n wynebu’r blaned.

“Mae dyfodol ein lles materol a’n lles cymdeithasol yn dibynnu ar lwyddo i gyflenwi digon o ynni carbon isel fforddiadwy,” meddai Carwyn Jones.

Fe wnaeth hefyd longyfarch Pennaeth Coleg Menai, ei dîm a’u partneriaid yn y sectorau cyhoeddus a phreifat “am eu gwaith yn datblygu cyfleuster mor rhagorol.  Rwy’n dymuno bob llwyddiant i’r Ganolfan ac i fenter Ynni’r Ynys,” meddai.

Fe ddywedodd Dafydd Evans, pennaeth Coleg fod “economi’r byd wedi newid llawer ers iddo ymweld â ni gyntaf ac mae’n bwysicach nag erioed bod gan ein pobl ifanc y sgiliau sydd eu hangen arnynt i gystadlu am swyddi mewn unrhyw sector.”

Bydd y Ganolfan Ynni’n cynnal cyrsiau arbenigol i bobl ifanc hyfforddi ac i weithio yn y diwydiant ynni.

Niwclear

“Mae’r Ganolfan Ynni newydd yn gyfleuster rhagorol i ddarparu cyrsiau newydd a chyrsiau cyfredol a bydd yn chwarae rhan bwysig iawn yn cynorthwyo dysgwyr lleol i ddilyn llwybr gyrfa esmwyth i’r sector niwclear,” meddai Jean Llywellyn OBE, Prif Weithredwr yr Academi Sgiliau Cenedlaethol ar gyfer Niwclear.

“Bydd y Ganolfan yn cynnig cyrsiau mewn weldio a saernïo haearn sydd eu hangen ar gyfer datgomisiynu niwclear yng Ngorsaf Ynni’r Wylfa sydd gerllaw a hefyd, ar gyfer y prosiect ynni niwclear newydd hefyd.  Bydd cyfleusterau’r Ganolfan Ynni ar gael i ni allu cynnig ein gwasanaethau reit ynghanol gweithgareddau niwclear Gogledd Cymru.”

Hefyd, bydd y Ganolfan Ynni yn gartref i gyfleusterau weldio a saernïo mwyaf modern Cymru.  Bydd yno hefyd adran arloesi busnes a chyfleusterau cynadledda o’r radd flaenaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer